सरकारं दोषीतय्त कारबाही याइ : गृहमन्त्री लेखक

नयाँ विकल्प संवाददाता
प्रकाशित मिती: २०८१ चैत्र १८, २१: ००

येँ : नेपाल पत्रकार महासङ्घया टोलीं गृहमन्त्री रमेश लेखकयात ध्यानाकर्षणपौ लःल्हाःगु दु । महासङ्घया महासचिव रामप्रसाद दाहाललिसें च्याम्हेसिगु मंकाः टोली चैत १५ गते तीनकुनेय् जूगु हिंसात्मक प्रदर्शनया झ्वलय् सञ्चारमाध्यम व सञ्चारकःमितय्त निशाना दयेकूगु धासें सरकारयात घटनाया सत्यतथ्य छानबिन यानाः आवश्यक कारबाही यायेत गृहमन्त्री लेखकयात ध्यानाकर्षणपौ लःल्हाःगु खः ।

ध्यानाकर्षणपौ लःल्हानाकयादिसें गृहमन्त्री लेखकं उगु घटना अराजक, हिंस्रक नापं सिद्धान्त मदुगु भीडं याःगु धयादिसें उगु विषयकय् सरकार गम्भीर जूगु धयादिल । “तिनकुनेय् जूगु अराजक भीडया छुं निश्चित वाद, सिद्धान्त छुं नं मदु, आपराधिक ज्या यायेगु निश्चित तातुना जक दूगु खः”, गृहमन्त्री लेखकं धयादिल, “विध्वंश याःगु पुचलं उग्रता क्यन, उकिया मार पत्रकारतय्त लाःगु खः, थुगु विषयकय् नेपाल सरकार गम्भीर जू ।”

हिंसात्मक प्रदर्शनया झ्वलय् सञ्चारकःमि दूगु छेँय् मिँ च्याकूगु, नापं सञ्चार गृहय् व सञ्चारकःमितय्त निशाना दयेकूगु विषयकय् सरकारं सत्यतथ्य छानबिन यानाः घटनाया दोषीतय्त कारबाही याइगु गृहमन्त्री लेखकं धयादिल ।

उगु घटनां ज्यान वंम्ह पत्रकार सुरेश रजक व मेमेपिं घाःपाः जूपिं पत्रकारतय् विषयकय् सरकार गम्भीर जूगु व उगु विषयकय् छु यायेफइ धइगु विषयकय् सरकार जुयाच्वंगु वय्कःया धापू खः ।

सम्बन्धित समाचार

एमाले भ्रष्टाचारीलाई जोगाउने पार्टी हो, तत्काल एकता सम्भव छैन : प्रचण्ड

२०८१ चैत्र १८, २१: ००

काठमाडौं : नेपाली कम्युनिस्ट पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ले नेकपा (एमाले) सँग राष्ट्रिय मुद्दाहरूमा सहकार्य हुनसक्ने भएपनि तत्काल...