- अनामनगर काठमाडौँ
- infobikalpa21@gmail.com
येँ : विदेशय् सयेकूगु ज्ञान व सीपयात स्वदेशया विकासय् छ्यलेत प्रधानमन्त्री केपी शर्मा ओलीया इनापलिपा स्वदेश लिहाँवःपिं संयुक्त राज्य अमेरिकाया मासाच्युसेट्स इन्स्टिच्युट अफ टेक्नोलोजी (एमआइटी)या वैज्ञानिक अनुसन्धानकर्ता मिङ्मार शेर्पां थौं प्रधानमन्त्री ओलीयात नापलानादीगु दु । स्वला न्ह्यः स्वदेश लिहाँझाःम्ह शेर्पां जनस्वास्थ्यया ख्यःया अनुसन्धान परियोजना सञ्चालन यानावयाच्वंगु खः ।
थगुने संयुक्त राष्ट्रसङ्घया ७९ क्वःगु महासभाय् ब्वति कयाः अमेरिकाया बोस्टनया हार्वर्ड विश्वविद्यालयकय् ग्वसाःग्वःगु ज्याझ्वलय् संबोधन जूगु न्हुकुन्हु अनच्वंगु विश्वविद्यालयकय् थी थी विषयकय् अध्यापन व अध्ययन यानाच्वंपिं नेपाःया शिक्षक–विद्यार्थीतलिसे संवाद यानाः प्रधानमन्त्री ओलीं थःम्हं सयेकूगु ज्ञान व अनुभवयात स्वदेशय् उपयोग यायेत इनाप यानादिल । उकिया नितिं सरकारपाखें यायेमाःगु सहजीकरणय् छुं भतिचा नं म्ह्वः मजुइगु भलसा वय्कलं बियादिल ।
प्रधानमन्त्री ओली स्वदेश लिहाँझायेधुंकाः अन नाप लाःपिं नेपाःया शिक्षक–विद्यार्थीत सकलसित संबोधन यानाः पौ छ्वयाः मेधावी विद्यार्थीतय्सं मातृभूमिया समृद्धि व हितया नितिं साथ बियादीत इनाप यानादीगु खः । प्रधानमन्त्री ओलीया पौपाखें उत्साहित जुयाः शेर्पां बेलायतया ब्रिष्टल विश्वविद्यालयलिसेया सहकार्यय् ब्राइट भिजन फाउण्डेशन दर्ता यानाः नेपाःया पुनीमखुगु ल्वय्या अवस्था, उकिया उपचार नापं पाय्छिगु पोषणया विषयकय् जनस्वास्थ्यसम्बन्धी १० क्वतिया अनुसन्धान परियोजना न्ह्याकूगु प्रधानमन्त्री ओलीयात जानकारी बियादिल । उगु न्यादँया परियोजनायात नेपाल स्वास्थ्य अनुसन्धान परिषद्लिसे नं सहकार्य याये धकाः शेर्पां धयादिल ।
फाउण्डेशनं सोलु्खुम्बुइ स्वास्थ्य शिविर न्ह्याकाः द्वःछि व ७०० म्हसित सेवा बिइधुंकूगु दु धाःसा जिल्लाय् ग्रामीण लागाया मनूतय्त ताःतयाः ब्राइट फ्युचर कम्प्युटर सेन्टरपाखें सितिकं तालिम न्ह्याकूगु दु ।
सोलुखुम्बुया सल्लेरी च्वंम्ह शेर्पां अमेरिकाया हार्वर्ड विश्वविद्यालयकय् इम्युनोलोजी विषयकय् छात्रवृत्ति कयाः अध्ययन पूवंकूगु खः । वय्कलं अनुसन्धानया ख्यलय् सरकारं म्ह्वतिं नं १ प्रतिशत बजेट विनियोजन यायेमाःगु व नेपाःया अनुसन्धानात्मक जर्नलयत्त धिसिलाकाः अन्तरराष्ट्रियस्तरय् सञ्चार यायेगु सुझाः बियादिल । प्रधानमन्त्री ओलीं विदेशय् उच्च शिक्षा हासिल याःपिं स्वदेशय् छुं याये धइगु अठोट काःगुलिं शेर्पायात सुभाय् बिसें अझ उज्ज्वल भविष्यया कामना यानादिल ।
काठमाडौं : नेपाली कम्युनिस्ट पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ले नेकपा (एमाले) सँग राष्ट्रिय मुद्दाहरूमा सहकार्य हुनसक्ने भएपनि तत्काल...
चितवन : कात्तिक ९ देखि ११ गतेसम्म नेपाल–भारत क्रस बोर्डर टुरिजम कनेक्ट २०२६ कार्यक्रम आयोजना हुने भएको छ । गैरआवासीय...
कास्की : पोखरामा औषधि पसलका आवरणमा प्रतिबन्धित लागुऔषको कारोबार हुने गरेको फेला परेको छ । औषधि बिक्री गर्ने पसलबाटै ठूलो...
