काभ्रेया १३ गू उत्कृष्ट स्थानीय तहयात हन

नयाँ विकल्प संवाददाता
प्रकाशित मिती: २०८२ असार ४, २०: ५३

काभ्रेपलाञ्चोक : जिल्लाया १३ गू स्थानीय तहयात हंगु दु । जिल्ला समन्वय समितिया च्याक्वःगु सभा लिसें आर्थिक दँ २०८१/८२या प्रगति समीक्षा ज्याझ्वलय् उत्कृष्ट जूगु स्थानीय तहयात हंगु खः ।

न्ह्यानाच्वंगु आदँया बेरुजुयात शून्यय् तयातयेत ताःलागु महाभारत गाउँपालिका, प्राकृतिक स्रोत लिसें वित्त आयोगया मूल्याङ्कनय् जिल्लाय् हे न्हाप लाःगु बनेपा नगरपालिका, लिजाय् गाउँपालिकातमध्यय् जिल्लाय् न्हाप लाःगु खानीखोला, लिजाय् नगरमध्यय् जिल्ला न्हाप लाःगु नमोबुद्धयात हंगु खः ।

अथे हे, स्वास्थ्य नगर घोषणा यायेत ताःलागु धुलिखेल, विपद्य राहत लिसें उद्धारय् उत्कष्ट ज्या याःगु बेथानचोक गाउँपालिका, स्थानीय तह वित्तीय सुशासनय् उत्कृष्ट रोशी गाउँपालिका, गँु मि मुक्त गाउँपालिका घोषणा जूगु भुम्लु, नगरमध्यय् दकसिबे म्हो बेरुजु जूगु मण्डनदेउपुर, पशुबिमा ज्याझ्वलय् उत्कृष्ट पनौती नगर, मपुनीगु ल्वय्या ख्यलय् च्वछायेबहःगु ज्या याःगु तेमाल गाउँपालिका, आम्दानी जोडेयाःगु पाँचखाल नगर व सामाजिक सुरक्षा भत्ता वितरणय् उत्कृष्ट ज्या याःगुलिं चाँैरीदेउराली गाउँपालिकायात हंगु खः ।

काठमाडौँ विश्वविद्यालयया उपकुलपति अच्युत वाग्ले, जिल्ला विपद् व्यवस्थानपया कोमल शाह, सशस्त्र प्रहरी १५ नम्बर गुल्म, श्रीमेयर गण, राष्ट्रिय अनुसन्धानलिसें सुरक्षा निकायया प्रमुखतय्त नं उगु ज्याझ्वलय् हंगु खः । विपद्य् सुचं लिसें प्रसारणपाखें ग्वाहालि याःगु नेपाल पत्रकार महासङ्घ काभ्रेपलाञ्चोक शाखायात नं हंगु खः ।

नेपाल कम्युनिष्ट पार्टी (एमाले)या पोलिटब्यूरो दुजः गोकुलप्रसाद बाँस्कोटा व जिसस प्रमुख दीपककुमार गौतमं मंकाःकथं वय्कपिंत हनादीगु खः ।

सम्बन्धित समाचार

एमाले भ्रष्टाचारीलाई जोगाउने पार्टी हो, तत्काल एकता सम्भव छैन : प्रचण्ड

२०८२ असार ४, २०: ५३

काठमाडौं : नेपाली कम्युनिस्ट पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ले नेकपा (एमाले) सँग राष्ट्रिय मुद्दाहरूमा सहकार्य हुनसक्ने भएपनि तत्काल...