किरण मानन्धरया विशेष चित्रकला प्रदर्शनी न्ह्यात

नयाँ विकल्प संवाददाता
प्रकाशित मिती: २०८२ श्रावण १, २०: ३९

येँ : ठमेलया म्युजियम अफ नेपाली आर्टय् किरण मानन्धरया विशेष चित्रकला प्रदर्शनी न्ह्याःगु दु । वइगु सेप्टेम्बरतक न्ह्याइगु उगु प्रदर्शनी न्हिंन्हिं सुथसिया १० ताः इलंनिसें सनिलया ६ ताः ईतक अवलोकन यायेखनी ।

प्रदर्शनीया उलेज्याय् सच्छिस्वयां अप्वः कलाप्रेमीतय्गु ब्वति दूगु खः । चित्रकला अवलोकनलिपा प्राडा अभि सुवेदीं थःम्हं तःक्वमछि मानन्धरया चित्रकलाबारे समीक्षा च्वयागु कनादिसें किरण मानन्धरया चित्रकलाय् थःम्हं लचकता खना धकाः धयादिल ।

“किरण मानन्धरया चित्रकलाय् ‘ब्रस स्ट्रोक’ तसकं कलात्मक खनेदु, रङ्गया मिश्रण बजोड जुइ, चित्र स्वयेबलय् यइपुगु सङ्गीत थें च्वं”, वय्कलं धयादिल, “जिं वय्कःया यक्व चित्रकला स्वयागु दु, वय्कः नेपाःया सम्भवतः दकसिबे अप्वः चित्र च्वइम्ह कलाकारय् लाः, वय्कःया छगू छगू सृजनाय् हे न्हूगुपन लुयावइ, थौं नं न्हूगुपन खंका ।”

एनसेल फाण्डेसनया सहकार्यय् न्ह्याःगु प्रदर्शनीइ कलाकार किरण मानन्धरं अवलोकनकर्तालिसे साक्षात्कार यासें अनुभव कनादिल । वय्कलं थुकथंया प्रदर्शनीं नेपाःया कला व संस्कृतिया प्रवद्र्धन व विकासय् महत्वपूर्ण भूमिका म्हिती धइगु धारणा तयादिल । विशेष यानाः न्हूगु पुस्तातय्त ज्ञान, सीप व कला लःल्हायेगुलिइ थुकिं भूमिका म्हिती धइगु वय्कःया धापू खः ।

“जिं थुकथंया प्रदर्शनी तःक्वःमछि ग्वसाःग्वयागु दु, थुकिं दर्शकतलिसे साक्षात्कार ययोगु ह्वःताः चूलाःगु लिसें कला व संस्कृतिबारे ज्ञान हिलाकायेत नं ह्वःताः चूलाइ”, वय्कलं धयादिल ।

प्रदर्शनीइ मानन्धरं थी थी कालखण्डय् च्वयादीगु चित्रकला अवलोकन यायेखनीगु ग्वसाःखलः म्यूजियम अफ नेपाली आर्टया प्रमुख क्युरेटर राजन शाक्यं धयादिल । नेपाःया कला व संस्कृति, परम्परा, धर्म, मिसा व प्रकृतिलिसे सम्बन्धित थी थी चित्रकला प्रदर्शनीइ ब्वयातःगु दु । अवालोकनकर्तातय्सं प्रदर्शनी अवलोकनया लिसें चित्रकला न्याये नं फइ । उगु झ्वलय् चित्रकलाया मुना सफू नं सार्वजनिक याःगु खः ।

सम्बन्धित समाचार

एमाले भ्रष्टाचारीलाई जोगाउने पार्टी हो, तत्काल एकता सम्भव छैन : प्रचण्ड

२०८२ श्रावण १, २०: ३९

काठमाडौं : नेपाली कम्युनिस्ट पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ले नेकपा (एमाले) सँग राष्ट्रिय मुद्दाहरूमा सहकार्य हुनसक्ने भएपनि तत्काल...