डा. स्वर्णिम वाग्ले भन्छन्- मधेसको सुख्खाको दीर्घकालीन समाधान खोज्नुपर्छ – Naya Bikalpa
November 21, 2026, Saturday      Epaper

डा. स्वर्णिम वाग्ले भन्छन्- मधेसको सुख्खाको दीर्घकालीन समाधान खोज्नुपर्छ

जनकपुरधाम । राष्ट्रिय स्वतन्त्र पार्टी (रास्वपा) का उपसभापति डा. स्वर्णिम वाग्लेले मधेसको सुख्खाको दीर्घकालीन समाधान खोज्नुपर्ने बताएका छन् ।

रास्वपाका प्रवक्ता मनिष झासँग धनुषाको हंसपुर नगरपालिकास्थित सुख्खाग्रस्त खेतको अवलोकन गर्दै डा. वाग्लेले मधेसको मात्र होइन, समग्र राष्ट्रकै समुन्नतिका लागि सुनकोशी-मरिन डाइभर्सन महत्त्वपूर्ण भएको बताएका छन् ।

डा. वाग्लेले खडेरीका कारण धानको बिउ सुक्दै गएको र खेत बाँझो रहेको दृश्यहरु देखाउँदै लहलह धान फल्ने ठाउँमा अहिले बिउहरू सुक्दै गएको आफुहरुले देखेको बताए । उनले चुरेको दोहन, पानी संचय गर्ने परम्परागत विधि क्षय भएको, आधुनिकीकरणका कारणले र अझ बृहत रुपमा जलवायु परिवर्तनको असरका कारण यस्तो भएको बताए ।

उनले मधेसको यो संकट समाधानका लागि तत्काल ५०० वटा डिप बोरिङ गर्ने वा ‘क्लाउड सिडिङ’ मार्फत कृत्रिम वर्षा गराउने जस्ता अल्पकालीन उपायमाथि बहस भइरहेको भएपनि यसका लागि दिर्घकालिन समाधान खोज्नुपर्ने बताए ।

उनले भने- ‘मधेसको रुपान्तरणका लागि मात्र होइन, समग्र राष्ट्रकै समुन्नतिका लागि सुनकोशी-मरिन डाइभर्सन महत्त्वपूर्ण छ । सुनकोशी नदीको पानी १३-१४ किलोमिटरको सुरुङबाट मरिन खोलामा मिसाएर धनुषा, महोत्तरी, रौतहट, सर्लाहीसम्म १ लाख २२ हजार हेक्टर जमिनमा सिँचाइ पुर्‍याउने लक्ष्य छ । रे काम असाध्यै ढिलो भयो । ‘टनेलको ‘ब्रेक-थ्रु’ त भयो तर बाँकी काम सम्पन्न हुन अझै वर्षौं लाग्ने अनुमान छ । यसमा तदारुकता देखाउनुपर्ने देखियो ।

डा. वाग्लेले सिँचाइ सुविधाले मात्रै देशको कृषिमा क्रान्ति ल्याउन सक्ने बताउँदै बंगलादेश र भारतको सिंचाईबाट हरित क्रान्ति गरेको उल्लेख गरे ।

 

सम्बन्धित समाचार

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०८२ श्रावण १६, १७: ५९

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८२ श्रावण १६, १७: ५९

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८२ श्रावण १६, १७: ५९

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...