निषेधाज्ञा तोड्दै पुल्चोकमा सयौंको भीँडले तान्यो रातो मच्छिन्द्रनाथको रथ – Naya Bikalpa
November 20, 2026, Friday      Epaper

निषेधाज्ञा तोड्दै पुल्चोकमा सयौंको भीँडले तान्यो रातो मच्छिन्द्रनाथको रथ

नयाँ विकल्प,
ललितपुर । काठमाडौं उपत्यकाका तीन जिल्ला काठमाडौं, ललितपुर र भक्तपुरका प्रमुख जिल्ला अधिकारीहरुले उपत्यकामा ३ भदौ देखि लगाएको निषेधआज्ञाले निरन्तरता पाए पनि त्यसको कुनै प्रवाह नगरी ललितपुरको पुल्चोकमा रथ यात्रा भएको छ ।

सरकारले कोभिड–१९ रोकथाम तथा नियन्त्रणका लागि कुनैपनि भेला गर्न, चाडपर्व, जात्रा मनाउन निषेध गरेको भए पनि ललितपुरको पाटनका स्थानीयले रातो मच्छिन्द्रनाथको रथजात्राको साइत यसपछि नरहेको भन्दै राथ तान्नको लागि सयौं स्थानीय सडकमा निस्किएका छन् ।

उपत्यकामा दैनिक सरदर साडे तीन सयमा कोभिड–१९ संक्रमण पुष्टि भइरहेको बेला बिहीबारदेखि रातो मच्छिन्द्रनाथको रथजात्रा शुरु भएको हो । रथ जात्रा निकाल्नको लागि स्थानीयहरुको भिड सडकमा निष्किएको छ ।

‘वर्षा र सहकाल’का देवता रातो मच्छिन्द्रनाथको रथजात्रा वैशाख शुक्ल पक्ष प्रतिपदाका दिन शुरु भएर असार शुक्ल पक्ष चौथीसम्म मनाउने प्रचलन रहेको छ । तर यस वर्ष कोभिड १९ संक्रमणको रोकथाम तथा नियन्त्रणका लागि सरकारले लकडाउन आदेश जारी गरेपछि रथजात्रा निर्धारित साइतमा हुन सकेको थिए ।

साउन १० गते नागपञ्चमीको दिन दिउँसो १२ बजेको शुभ साइतमा रातो मच्छिन्द्रनाथलाई रथमा विराजमान गराइएको थियो । रथमा राखिएको चार दिनपछि रथजात्रा शुरु गर्नुपर्छ ।

कोभिड–१९ संक्रमणको जोखिम कम नभएपछि रजथात्रा पनि रोकिएको थियो । जात्रा नभएपछि स्थानीयले दैनिक रथ विराजमान गराइएको ठाउँमा पुगेर पूजाआजा गर्दै आएका थिए ।

रातो मछिन्द्रनाथको रथ यात्रा नगर्न स्थानीयलाई प्रहरीले रोक्न खोजेपछि उनीहरु प्रदर्शनीमा उत्रिएका थिए । ण्रातो मछिन्द्रनाथको रथ तान्न खोज्ने स्थानीय र त्यसलाई रोक्न खोज्ने प्रहरीबीच पुल्चोकमा झडप समेत भएको थियो ।

निषेधाज्ञा उल्लंघन गर्दै युवाहरु बिहानैदेखि प्रदर्शनमा थिए । ११ बजेपछि उनीहरुले जबरजस्ती रथलाई घिच्याउँदै पुल्चोकको मुल सडकमा पुर्याएसँगै उनीहरुले संस्कृति मास्न नपाइने नारावाजी लेखिएका प्लेकार्ड बोकेर प्रदर्शन गरेका थिए ।

दिउँसो १ बजेपछि अवस्था तनावपूर्ण बन्दै गएको थियो । प्रहरीको परिचालन बाक्लिँदै गएपछि युवाहरु आक्रमक देखिएका थिए । प्रहरीले वाटर क्यानन लिएर पुगेपछि प्रहरीमाथि ढुंगामुडा प्रहार भएको थियो । त्यसपछि प्रहरीले पानीको फोहराले हानेको थियो ।

प्रहरी र स्थानीयबीच बारम्बार झडप भएपछि शसस्त्र प्रहरी परिचालन गरिएको छ ।

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ भाद्र १८, १४: २२

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ भाद्र १८, १४: २२

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ भाद्र १८, १४: २२

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...