एमालेको समानुपातिक उम्मेदवार राईविरुद्ध ठगीको गम्भीर आरोप

इलाम : इलाम फाकफोकथुम गाउँपालिकाकी पूर्व उपाध्यक्ष एवम् नेकपा एमालेको समानुपातिक तर्फकी उमेदवार सरस्वती राई सरुको विरुद्धमा बैदेशीक रोजगारीको ठगीको गम्भीर आरोप लागेको छ । राईले विभिन्न समयमा कोरीया लाने भनी गाउँपालिकाका विभिन्न व्यक्तिबाट लाखौं पैसा लिएको तर हाल सम्म पनि रकम नतिरेको पीडितले आरोप लगाएका छन् । पटक पटक ताकेता गर्दा पनि रकम नपाएपछि पीडितहरुले नेकपा एमाले जिल्ला सचिवालयमा उजुर गरेका छन् ।

आफ्नी बहिनीलाई कोरीया लाने भनेर २०८० माघ ०७ गते सरस्वती राईको बैक खातामा तीन लाख हालीदिएको तर अहिले सम्म पनि कोरीया पठाउने टुँगो नलागेको र पैसाको साँवा व्याज पनि नपाएको भनी पीडितले उजुर गरेका हुन् । उजुर पछि नेकपा एमालेको जिल्ला पार्टि कार्यालयमा फागुन १२ गते मंगलबार छलफल भएको थियो । पीडितको मागलाई अझै बेवास्ता गर्दै नेकपा एमाले जिल्ला सचिवालय सदस्य समेत रहेकी राईले पैसा जति उतै पठाएको र उताबाट आएपछि दिने भनेकी छिन । पार्टीको छलफलका क्रममा विभिन्न नेताले राईलाई कागज गरेर पैसा फिर्ता दिन दवाव दिएपनि उनले नमानेको श्रोतले जनाएको छ ।

छलफलका क्रममा केहि नेताहरुले तपाइले व्यवहारीक कुरा गरेर मिलाउनुहोस भनेर सम्झाउन खोजेपनि कुनै हालतमा पैसा फिर्ता गर्न नमानेको बताइएको छ । राईले करिव ३४ जनाबाट तीन लाखका दरले बुझाएको रकम अझैसम्म फिर्ता नगरेको र यो काण्ड अहिलेका आइजीपी र पहिलेका आइजीपीलाई पनि थाहा पाएको दावि गर्दै पीडितहरुलाई झुलाइरहेको पाइएको छ । सो क्रममा उनले राजदुत दिदीसँग पटक पटक गफ भएको पनि खुलाएकी छन् ।

राईले पीडितहरुसँग गरेको च्याट पनि यो अनलाईनले प्राप्त गरेको छ । पटक पटकको वार्तामा राईले “म सँग त्यो मान्छेलाई बुझाएको रकमको पुरै सबुत प्रमाण छ । के प्रयोजनका लागि को को व्यक्तिबाट कति कति रकम संकलन गरेर बmुभएको भन्ने कागजमै खुलाएको छ कमरेड… भनेर उल्लेख गरेकी छन् ।

उनले त्यहि च्याटमा “अझै पनि म निरन्तर लागिरहेकै छु । सबैको पैसा एकमुष्ट डुबेको छ, सबैले धैर्य गरेर चुनावमा लागि परेका छन् तर तपाई चाहिँ यहि मौकामा घाँटी अठ्याउनु पर्ने कमरेड ?“ भनेर उल्टै धम्कीपुर्ण भाषामा उत्तर दिएकी छन् । यस्तै उनले केहि एमाले नेताहरुसँगको च्याटमा जबरजस्ती गरेर उजुरीमा जान्छन् भने नछेक्नु जाउन लेखेकी छन् । आफै भोग्छन् ….बैदेशिक विभाग सम्बन्धि छानबीनको लागि बैदेशीक विभाग काठमाडौं मै पुग्नुपर्छ । तिनीहरुको तीन लाखको लाखौं खर्च भएको बेला थाहा पाउँछन् । अरुको उक्साहटमा लागेर उजुरीमा जानेलाई छेक्नुहुन्न राइले उल्लेख गरेकी छन् ।

राइले आफू उपाध्यक्ष भएका बेला सरकारी गाडि प्रयोग गर्न नपाएको भनी तत्कालीन अध्यक्षलाई दुव्र्यवहार गरेको सार्वजनिक भएको थियो । पार्टी अध्यक्ष केपी ओली निकट राईको नेपाल कम्पयुनिष्ट पार्टी एमालेको आदिवासी जनजाति कोटामा १६ नम्बरमा समानुपातिक प्रणाली तर्फका उमेद्धारको अन्तिम बन्दसुचिमा नाम समावेस छ ।

सम्बन्धित समाचार

प्रस्तावित राजदूतमध्ये १० जनाको नाम अनुमोदन, साउदीका लागि प्रस्तावित राजदूत सुनारको अस्वीकृत

• २०८२ फाल्गुन १३, १३: २१

काठमाडौं : विभिन्न देशका लागि सरकारले प्रस्ताव गरेका १३ जना राजदूतमध्ये १० जनाको नाम संसदीय सुनुवाइ समितिबाट अनुमोदन भएको छ...

रास्वपाका सुरूंगा नगर सभापति हुसेन लागूऔषध मुद्दामा पक्राउ

• २०८२ फाल्गुन १३, १३: २१

काठमाडौं : राष्ट्रिय स्वतन्त्र पार्टी (रास्वपा) सप्तरीको सुरूंगा नगरपालिका सभापति साविर हुसेन पक्राउ परेका छन् । हुसेनलाई बुधवार लागू औषध...

गृहमन्त्री गुरुङ र भारतीय विदेशमन्त्री जयशंकरबीच भेटवार्ता

• २०८२ फाल्गुन १३, १३: २१

काठमाडौं : गृहमन्त्री सुधन गुरुङ र भारतीय विदेशमन्त्री एस. जयशंकरबीच बुधबार भेटवार्ता भएको छ । गृहमन्त्रीस्तरीय बिमस्टेक बैठकमा सहभागी हुन...