- अनामनगर काठमाडौँ
- infobikalpa21@gmail.com
तेहरान– इरानका सर्वोच्च नेता आयतोल्लाह अली खामेनी इजरायली र अमेरिकी आक्रमणमा मारिएको पुष्टि भएको छ ।
इरानी राज्य नियन्त्रित सञ्चार माध्यमहरूका अनुसार खामेनीको इजरायली र अमेरिकी आक्रमणमा परी मृत्यु भएको हो।
खामेनीको मृत्युको आधिकारिक पुष्टि भएसँगै इरान सरकारले देशभर सात दिन सार्वजनिक बिदा र ४० दिन शोकको घोषणा गरेको छ।
सञ्चार माध्यमहरूका अनुसार यो आक्रमण इजरायल र संयुक्त राज्य अमेरिकाको संयुक्त सैन्य कारबाहीको परिणाम हो।
पछिल्लो समय यस क्षेत्रमा बढ्दै गएको सैन्य तनाव र द्वन्द्वका बीच यो घटना सार्वजनिक भएको हो।
इरानका सरकारी निकायहरूले आफ्ना शीर्ष नेताको निधनप्रति गहिरो दुःख व्यक्त गर्दै आगामी ४० दिनसम्म देशभर शोक मनाइने र राष्ट्रिय झण्डा आधा झुकाइने जानकारी दिएका छन्।
यस घटनापछि इरानको आन्तरिक सुरक्षा व्यवस्था निकै कडा पारिएको छ भने अन्तर्राष्ट्रिय समुदायले यसलाई निकै चासोका साथ हेरिरहेका छन्।
इरानी सत्ताको सर्वोच्च पदमा रहेका खामेनीको निधनले इरानको भावी राजनीतिक दिशा र क्षेत्रीय सुरक्षामा कस्तो असर पार्नेछ भन्नेबारे अहिले विश्वभर विभिन्न अड्कलबाजीहरू सुरु भएका छन्।
काठमाडौं : राष्ट्रपति रामचन्द्र पौडेलले प्रधानमन्त्री वालेन्द्र शाह (बालेन)सँग मुलुकका विभिन्न भागमा भएको विषम घटना र परिस्थितिका बारेमा जानकारी लिएका...
काठमाडौं : नेपाल पत्रकार महासंघले देशका विभिन्न स्थानमा पछिल्लो समय देखिएका प्रदर्शन र झडपप्रति गम्भीर चिन्ता व्यक्त गर्दै धार्मिक सहिष्णुता,...
काठमाडौं : प्रधानमन्त्री वालेन्द्र शाहले सुनसरीको देवानगन्ज, सिरहालगायतका क्षेत्रमा भएको हिंसात्मक घटनापछि उत्पन्न तनावपूर्ण अवस्थाप्रति सरकार पूर्ण रूपमा गम्भीर र संवेदनशील...
