- अनामनगर काठमाडौँ
- infobikalpa21@gmail.com
काठमाडौं : काठमाडौं निर्वाचन क्षेत्र नम्बर ९ मा जसपा नेपालबाट उम्मेदवारी दिएका रणवीर सिंह क्षेत्रीले उम्मेदवारी फिर्ता लिदै नेपाली कांग्रेसकी उम्मेदवार नानू बाँस्तोलालाई समर्थन गरेका छन् । आज बिहान रामकोटको गुरुङ डाँडाको सभालाई सम्बोधन गर्दै रणबीरले देशभर कांग्रेसको लहर चलिरहेको बेला आफुले पनि कांग्रेसकी महिला नेतृ नानु बास्तोलालाई समर्थन गर्दै उक्त क्षेत्रमा रहेका जसपा नेपालका सम्पूर्ण नेता तथा कार्यकर्ताहरुलाई नानु बास्तोलालाई मत दिन आग्रह गरे ।
उनले भने मुलुक जटिल अवस्थामा रहेकोले कांग्रेसले नै जित्नुपर्ने भएका कारण आफुले समर्थन गरेको बताए । बास्तोला नेपाली काँग्रेसभित्र पुस्तान्तरण र समबेसिताको मुद्दाहरु स्थापित गराउन उल्लेखनीय भूमिका रहेको हुँदा आफुले समर्थन गरेको बताए । उक्त क्षेत्रमा झोलुङ्गे पुल लगायत कृषि, पर्यावरण वन क्षेत्र संरक्षणमा समेत नानु बास्तोलाले सहयोग जुटाउन आफु लागिपर्ने बताइन् । सुशासनको पक्षमा निरन्तर लागि पर्ने बास्तोला विभिन्न संघ संस्थाहरुमा सक्रिय भई नेपाली काँग्रेसको तर्फबाट राष्ट्रिय तथा अन्तरास्ट्रिय भ्रमणमा समेत सहभागी हुदै आएकी छिन् ।
महिलाहरु प्रत्यक्ष निर्वाचनमा सहभागी हुन सहज नभए पनि ४२ वर्षीय बास्तोला नेपाली कांग्रेसले प्रत्यक्षतर्फ ११ जना महिलामध्ये काठमाडौंको निर्वाचन क्षेत्र नं. ९ मा बास्तोला होमिएकी हुँदा महिलाहरुको उल्लेखनीय सहभागिता देखिएको छ ।
यसैक्रममा रणवीरले आफ्नो उम्मेदवारी फिर्ता लिँदै र नानुलाई समर्थन गरेर कांग्रेस काठमाडौ ९ मा थप बलियो बनेको छ । आफुलाई समर्थन गरेपछि रणवीरलाई कांग्रेस उम्मेदवार नानू बाँस्तोलाले खादा लगाएर स्वागत गरेकी थिइन् ।
प्रतिनिधि सभाको आगामी निर्वाचनका लागि यो क्षेत्रमा विभिन्न दल र स्वतन्त्र गरी २४ जना उम्मेदवार मैदानमा छन् ।
काठमाडौं क्षेत्र नं ९ मा ३४ वटा मतदान स्थल र ९० वटा मतदान केन्द्र रहेका छन् । राजनीतिक दलका १८ र स्वतन्त्र छ जना गरी कूल उम्मेदवार सङ्ख्या २४ जना छ। यस मध्ये २० पुरुष र चार महिला उम्मेदवार छन्।
यो निर्वाचन क्षेत्रमा कूल मतदाता सङ्ख्या ७८ हजार चार सय ९५ रहेकामा पुरुष मतदाता ४८ दशमलव ६९ प्रतिशत अर्थात् ३८ हजार दुई सय १७ र महिला मतदाता सङ्ख्या ५१ दशमलव ३१ प्रतिशत अर्थात् ४० हजार दुई सय ७८ रहेको छ ।
काठमाडौं । काठमाडौं क्षेत्र नं. ९ बाट नेपाली कांग्रेसको प्रत्यासी उम्मेदवार महिला नेता नानु बास्तोला यतिबेला घरघरमा आफ्नो पक्षमा मत माग्न घरदैलोमा पुगेकी छिन् ।
यतिबेलासम्म नानु बास्तोलाको पक्षमा घरदैलो लगायत सभाहरुमा उल्लेखनीय सहभागिता रहेको देखिन्छ ।
काठमाडौं क्षेत्र नं. ९ को भौगोलिक क्षेत्र काठमाडौं महानगरपालिकाको १२, १४ र २१, २२ त्यसैगरी चन्द्रागिरि नगरपालिकाको वडा नं. १ दहचोक, वडा नं. १२ बलम्बु, वडा नं. १३ पुरानो नैकाप, वडा नं. १४ नयाँ नैकाप, वडा नं. १५ तिनथानादेखि नागार्जुन नगरपालिको वडा ६ रामकोट, वडा नं. ८ भिमढुंगा, वडा नं. ७ गोतामथोक, स्युचाटार, वडा नं. ९ भट्टराई गाउँ, वडा नं. १० लामिछाने, खड्का गाउँसम्म क्षेत्र विस्तार रहेको क्षेत्रमा यतिबेला कांग्रेसका नेता कार्यकर्तादेखि शुभचिन्तकसम्मलाई निर्वाचनले झक्झक्याएको छ ।
उक्त क्षेत्रमा उम्मेदवार रहेकी नानु बास्तोला महानगरका वडादेखि गाउँ क्षेत्रका वडासम्मका घरदैलो पुगिरहँदा जनसमर्थन बढ्दै गएको छ । महानगरका वडाहरुमा बास्तोलालाई घरघरबाट स्वागत गरिरहेका छन् भने गाउँ क्षेत्रमा पनि स्वागत गर्ने र सगुन ख्वाउने कार्यक्रमले चुनावी रौनक बढेको देखिन्छ । हालसम्म १४ वडाहरुमध्ये अधिकांश वडामा बास्तोलाको जनसमर्थनमा अन्य पार्टीका कार्यकर्तादेखि सामान्य नागरिकले समेत बास्तोलालाई समर्थन गर्दै गएकोले जित नजिक पुगेको नेपाली कांग्रेसका क्षेत्र नं. ९ का सभापति जयकृष्ण महर्जन बताउँछन् ।
नेपाली राजनीति र सामाजिक क्षेत्रमा बिगत २५ वर्षदेखि क्रियाशील र बिगत ५ वर्षदेखि नेपाली काँग्रेसको केन्द्रिय सदस्यको रुपमा सक्रिय नानु बास्तोला काठमाडौँ क्षेत्र न ९ मा नेपाली काँग्रेसको तर्फबाट प्रतिनिधि सभा निर्वाचन २०८२ को उम्मेदवार रहेकी छिन् ।
नेपाली कांग्रेसको राजनीतिक जीवनमा ताहाचल क्याम्पस, विश्वभाषा क्याम्पस र त्रिभुवन बिश्वबिधालय क्याम्पसमा नेपाल बिद्यार्थी संघको विभिन्न तहमा रहेर काम गर्दै नेपाल विधार्थी संघको केन्द्रिय समितिमा दुई पटक निर्वाचित सदस्य, नेपाल महिला संघको केन्द्रिय सदस्य हुदै राष्ट्रिय राजनीतिमा सक्रिय बास्तोलाले युवाका मुद्दाहरु र लैंगिक समबेसिताको मुद्दाहरुमा निरन्तर पैरवी गरिरहेकी छिन् । नेपाली काँग्रेसको केन्द्रिय नीति अनुसन्धान तथा प्रशिक्षण प्रतिष्ठानको सदस्य भई राष्ट्रिय तथा अन्तर्रास्ट्रिय प्रशिक्षकको रुपमा भूमिका निर्वाह गर्दै नेपाली काँग्रेसको १४औं महाधिबेसनबाट निर्वाचित केन्द्रिय सदस्यले स्थानीय तह २०७९, इलाम र बझांग जिल्लाको उपनिर्वाचन, स्थानीय तह उपनिर्वाचन २०८१ मा सचिवालय संयोजक भइ निर्वाचन सम्पन्न गराउन महत्वपूर्ण भूमिका निर्वाह गरेकी थिइन् ।
बास्तोला हालै सम्पन्न नेपाली काँग्रेसको विषेश महाधिबेसनबाट केन्द्रिय सदस्यमा पुन निर्वाचित भएकी हुन् ।
गान्धी दर्सन, अहिंशा र शान्ति कि अध्येता जुझारी नेता नानु बास्तोला राजनीतिमा समाजबादी विचारक स्वर्गीय प्रदीप गिरिबाट दीक्षित भएकी हुन् । तथ्यमा आधारित नीति र दिगो विकासको लागि प्रतिनिधि सभा सदस्यको रुपमा योगदान पुर्याउनको लागि काठमाडौँ क्षेत्र न ९ को नेपाली कांग्रेसको प्रतक्ष्य तर्फको उमेदबार रहेकी बास्तोलालाई उक्त क्षेत्रका पुराना नेतादेखि युवा पुस्तासम्मका नेताहरुले समर्थन गरिरहेको र महिलाहरुको उल्लेखनीय सहभागिता रहेको देखिन्छ ।
काठमाडौं : अखिल नेपाल फुटबल संघ (एन्फा)का पूर्वअध्यक्ष कर्मा छिरिङ शेर्पा पक्राउ परेका छन् । प्रहरीको केन्द्रीय अनुसन्धान ब्युरो (सीआईबी)को...
काठमाडौं : नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानअन्तर्गतको बाल अधिकार उपसमितिले १८ वर्षभन्दा कम उमेरका बालबालिकालाई कुनै पनि...
काठमाडौं : राष्ट्रिय स्वतन्त्र पार्टी (रास्वपा)को सहमहामन्त्रीमा नेताहरू हरि ढकाल, निशा डाँगी र असिम शाह निर्वाचित भएका छन् । चितवनको...
