मन्त्रिपरिषदको बैठक नबस्दा कुलमानको निर्णयमा ढिलाई , कार्यकाल दुई कि चार बर्ष थप्नेबारे अनिश्चित

नयाँ विकल्प,

काठमाडौं– नेपाल विद्युत प्राधिकरणको कार्यकारी निर्देशकमा कुलमान घिसिङकाे कार्यकाल आज सकिदैछ। घिसिङलाइ प्राधिकरणमा पुनः नियुक्ति गर्नेबारे छलफल भैरहेकाे छ ।

२०६३ भदाै २९ गते चारबर्षे कार्याकालका लागि नियुक्त भएका घिसिङलाइ पुनः नियुक्ति गर्ने विषयमा प्रधानमन्त्री ओली र उर्जामन्त्री बर्षमान पुन सहमत भएको स्रोतले बतायो।

शुक्रबार बस्ने मन्त्रिपरिषदले यस बिषयमा निर्णय गर्ने बताइएको थियो। तर शुक्रबार बैठक नबसेका कारण निर्णय हुन सकेन। संभवत सोमबार बस्ने मन्त्रिपरिषदको नियमित बैठकले यो लगायतका बिषयमा निर्णय गर्ने बताईएको छ।

स्रोतका अनुसार कार्यकारी निर्देशककका लागि अहिलेसम्म कुलमानको विकल्पमा अर्को ब्यक्तिको खोजी भएको छैन। यद्यपी मन्त्रिपपरिषदको बैठकमा तीन जनाको नाम सिफारिस गर्ने प्रचलन छ।

उर्जामन्त्री बर्षमान पुन र प्रधानमन्त्री ओलीबीच यस बिषयमा पटक छलफल भईसकेको छ। ओली र पुन दुबै कुलमानको म्याद तत्कालका लागि दुई बर्ष थप गर्ने मनस्थितिमामा पुगेका छन् ।

कुलमानको म्याद आईतबारबाट सकिदैछ। सोमबार मन्त्रिपरिषद्को बैठक बसेन भने उनी स्वतः घर जाने छन् । बैठक नबस्दा बामदेव गौतमलाई पनि राष्ट्रियसभाको सदस्यमा सिफारिस गर्ने प्रस्ताव अड्किएको छ।

नेकपा सचिवालय बैठकले उनलाई राष्ट्रियसभा सदस्यमा मनोनित गर्नका लागि प्रधानमन्त्रीले राष्ट्रपति समक्ष सिफारिस गर्ने निर्णय गरेको थियो। तर मन्त्रिपरिषदको बैठकले औपचारिक निर्णय नगरेको कारण यो बिषय छ महिना देखि अल्झेको छ।