
काठमाडौँ । काठमाडौँ उपत्यकामा मौसममा आएको परिवर्तनसँगै वायु प्रदूषणको मात्रा बढेको छ। बिहीबार काठमाडौँ विश्वकै सबैभन्दा प्रदूषित शहर बनेको छ।
वायु प्रदूषणको अवस्था रियल टाइममा मापन गर्ने IQAir का अनुसार दिउँसो ४:१५ बजे काठमाडौँको एयर क्वालिटी इन्डेक्स (AQI) २०४ पुगेको छ, जुन ‘कमजोर’ श्रेणीमा पर्छ।
यससँगै काठमाडौँ विश्वकै सबैभन्दा बढी वायु प्रदूषण भएको शहरको सूचीमा पहिलो स्थानमा पुगेको हो। काठमाडौँपछि पाकिस्तानको लाहोर दोस्रो स्थानमा रहेको छ, जहाँ AQI १५१ मापन गरिएको छ।
वायु गुणस्तर सूचकअनुसार ० देखि ५० सम्म ‘राम्रो’, ५१ देखि १०० ‘सन्तोषजनक’, १०१ देखि २०० ‘चिन्ताजनक’, २०१ देखि ३०० ‘कमजोर’, ३०१ देखि ४०० ‘अति कमजोर’ र ४०१ देखि ५०० ‘अति घातक’ मानिन्छ।अहिलेको अवस्थामा ‘मर्निङ वाक’लगायतका, बाहिरी शारीरिक व्यायाम गर्न नहुने, र अत्यावश्यक कामबाहेक घरबाहिर ननिस्कन, विज्ञहरूको सुझाव छ।
जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...
चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...