पोखरेलद्वारा विवादित व्यवहारमा माफी, ‘संयमता नदेखिएको स्वीकार’ – Naya Bikalpa
November 22, 2026, Sunday      Epaper

पोखरेलद्वारा विवादित व्यवहारमा माफी, ‘संयमता नदेखिएको स्वीकार’

Screenshot

काठमाडौँ । राष्ट्रिय स्वतन्त्र पार्टी (रास्वपा) का सांसद विश्वराज पोखरेलले ओखलढुंगाको एक विद्यालयका प्रधानाध्यापकसँगको विवादित व्यवहार सार्वजनिक भएपछि माफी मागेका छन्।

शनिबार जारी विज्ञप्तिमा उनले आफ्नो बोली र व्यवहारमा आवश्यक संयमता नदेखिएको स्वीकार गरेका छन्। साथै, उक्त घटनाले कसैको आत्मसम्मानमा चोट पुगेको भए हृदयदेखि क्षमायाचना गरेका छन्।

पोखरेलले सामाजिक सञ्जालमा भाइरल भएको भिडियो अपूर्ण सन्दर्भमा प्रस्तुत गरिएको दाबी गर्दै केही क्षणका दृश्य मात्र काटछाँट गरी सार्वजनिक गरिएको बताएका छन्। तथापि, सार्वजनिक जीवनमा रहँदा आफ्नो आचरण अझ जिम्मेवार र मर्यादित हुनुपर्ने कुरा आफूले पूर्ण रूपमा बुझेको उल्लेख गरेका छन्।

उक्त घटना ओखलढुंगाको खिजिदेम्बा गाउँपालिका–२ रगनीस्थित चण्डेश्वरी माध्यमिक विद्यालयमा भएको हो। विद्यालय पुग्दा स्वागत गर्न नआएको भन्दै उनले प्रधानाध्यापकमाथि आक्रोश व्यक्त गरेको भिडियो सामाजिक सञ्जालमा फैलिएको थियो।

घटनापछि उनले पार्टी, शुभेच्छुक, विद्यालय परिवार तथा आम जनतामा पर्न गएको असरप्रति क्षमा माग्दै आगामी दिनमा थप जिम्मेवार रूपमा प्रस्तुत हुने प्रतिबद्धता जनाएका छन्।

सम्बन्धित समाचार

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०८३ बैशाख १२, १७: १६

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८३ बैशाख १२, १७: १६

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८३ बैशाख १२, १७: १६

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...