थापाथलीसहित तीन बस्ती हटाइँदा १४४ परिवार सम्पर्कमा, अस्थायी बसोबासको व्यवस्था – Naya Bikalpa
November 22, 2026, Sunday      Epaper

थापाथलीसहित तीन बस्ती हटाइँदा १४४ परिवार सम्पर्कमा, अस्थायी बसोबासको व्यवस्था

काठमाडौँ । थापाथलीसहित तीन क्षेत्रमा १४४ परिवार सम्पर्कमा, अस्थायी बसोबासको व्यवस्था

थापाथली, गैरीगाउँ र शान्तिनगरका नदीकिनार बस्तीबाट विस्थापित १४४ परिवार सरकारको सम्पर्कमा आएका छन्। शनिबार बस्ती खाली गराइएपछि बसोबासको समस्या परेका उनीहरूले आफ्नो विवरण सरकारमा दर्ता गराएका हुन्।

सरकारका अनुसार उद्धार गरिएका परिवारहरूलाई सुरुमा दशरथ रंगशालामा राखी विवरण संकलन गरिएको थियो। त्यसपछि उनीहरूलाई अस्थायी रूपमा काठमाडौंका विभिन्न होटलहरूमा बसोबासको व्यवस्था मिलाइएको छ।

घरायसी सामानहरू भने रंगशाला र कीर्तिपुरस्थित सुन्दरीघाटको राधास्वामी सत्संग ब्यास नेपालमा छुट्टाछुट्टै स्थानमा सुरक्षित रूपमा भण्डारण गरिएको छ।

सरकारले काठमाडौं महानगरपालिका–९ को गैरीगाउँ, वडा नं. ३१ को शान्तिनगर र वडा नं. ११ को थापाथलीस्थित नदीकिनार तथा जोखिमपूर्ण सार्वजनिक जग्गामा रहेका बस्ती हटाउने कार्यलाई निरन्तरता दिएको छ। थापाथलीको बस्ती शनिबार बिहान शान्तिपूर्ण रूपमा खाली गराइएको थियो, जसमा नेपाल प्रहरी र महानगर प्रहरी बलले स्थानीयको सामान सार्न सहयोग गरेका थिए।

यता, कागेश्वरी मनोहरा नगरपालिका–८ को गोठाटार बुद्धचोक र वडा नं. ९ को मनोहरा टोलमा रहेका बस्ती हटाउने क्रममा शनिबार साँझ झडप भएको छ। ती बस्तीहरू आज खाली गरिने जनाइएको छ।

सम्बन्धित समाचार

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०८३ बैशाख १३, ०७: ५०

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८३ बैशाख १३, ०७: ५०

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...

नागढुंगा–मुग्लिन सडकखण्ड दैनिक पाँच घण्टा बन्द हुने
नागढुंगा–मुग्लिन सडकखण्ड दैनिक पाँच घण्टा बन्द हुने
  • २०८३ बैशाख १३, ०७: ५०

चितवन । नागढुंगा–मुग्लिन सडकखण्ड आजदेखि दैनिक पाँच घण्टा बन्द हुने भएको छ । जिल्ला प्रशासन कार्यालय चितवनले सूचना जारी गर्दै...