- अनामनगर काठमाडौँ
- infobikalpa21@gmail.com
काठमाडौँ । प्रधानमन्त्री बालेन्द्र शाहले वर्षौंदेखि विभिन्न संगठनहरू विद्यार्थी र कर्मचारीको हितभन्दा बढी राजनीतिक दलका ‘स्लिपर सेल’ जस्तै बनेको आरोप लगाएका छन्।
सामाजिक सञ्जालमार्फत धारणा सार्वजनिक गर्दै उनले योग्यता र क्षमताभन्दा पहुँच, झोला र झण्डाको आधारमा अवसर बाँडिँदा राज्य प्रणालीप्रति जनविश्वास कमजोर भएको बताएका छन्।प्रधानमन्त्री शाहका अनुसार धेरै पत्रकार, नेता, अभियन्ता, व्यापारी र सर्वसाधारणले लामो समयदेखि विद्यार्थी संगठन र कर्मचारीतन्त्रको राजनीतिकरणप्रति प्रश्न उठाउँदै आएका छन्। उनले यी संरचनाहरू दलगत प्रभावमा परेर मूल उद्देश्यबाट विचलित भएको टिप्पणी गरेका छन्।
उनले राष्ट्रिय स्वतन्त्र पार्टीले शिक्षालय र कर्मचारीतन्त्रलाई दलगत राजनीतिबाट अलग गर्ने एजेन्डा संगठन विस्तारका लागि नभई प्रणाली सुधारका लागि भएको स्पष्ट पारेका छन्।शाहले शिक्षालयमा दलगत झण्डा निषेध गर्ने र कर्मचारीतन्त्रमा राजनीतिक झोला निषेध गर्ने नीति अघि बढाइने बताएका छन्। उनका अनुसार यसले पेशागत स्वतन्त्रता कमजोर पार्ने होइन, बरु अझ सुदृढ बनाउनेछ।
उनले नियुक्ति, सरुवा र बढुवामा अब राजनीतिक निकटता होइन, योग्यता, क्षमता र विधि मुख्य आधार हुनुपर्नेमा जोड दिएका छन्।प्रधानमन्त्री शाहले विद्यार्थीले राजनीति सिक्दा शैक्षिक वातावरण र गुरुबाट सिक्नुपर्ने, तथा कर्मचारीले कुनै दलको प्रभाव होइन, जनसेवाको मूल्य सिक्नुपर्ने बताएका छन्।
उनले यो अभियान कुनै दलविरुद्ध नभई राज्य संस्थाहरूलाई सुदृढ बनाउने प्रयास भएको दाबी गर्दै आवश्यक अध्यादेशमार्फत सुधार अघि बढाइएको जानकारी दिएका छन्। अन्त्यमा उनले नागरिकसँग विश्वास र साथको अपेक्षा गर्दै परिवर्तन भाषणले होइन, निर्णय र कार्यान्वयनबाट आउने बताएका छन्।
काठमाडौं : अखिल नेपाल फुटबल संघ (एन्फा)का पूर्वअध्यक्ष कर्मा छिरिङ शेर्पा पक्राउ परेका छन् । प्रहरीको केन्द्रीय अनुसन्धान ब्युरो (सीआईबी)को...
काठमाडौं : नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानअन्तर्गतको बाल अधिकार उपसमितिले १८ वर्षभन्दा कम उमेरका बालबालिकालाई कुनै पनि...
काठमाडौं : राष्ट्रिय स्वतन्त्र पार्टी (रास्वपा)को सहमहामन्त्रीमा नेताहरू हरि ढकाल, निशा डाँगी र असिम शाह निर्वाचित भएका छन् । चितवनको...
