
काठमाडौँ । जल तथा मौसम विज्ञान विभागका अनुसार देशमा हाल पश्चिमी वायू, स्थानीय वायू र नेपाल नजिकैको तल्लो वायुमण्डलमा रहेको न्यून चापीय क्षेत्रको प्रभाव परेको छ।
विभागका अनुसार हाल कोशी, बागमती र गण्डकी प्रदेशका हिमाली तथा पहाडी भू–भागमा साधारणतया बादल लागेको छ भने बाँकी भू–भागमा आंशिक बादल छ। बागमती र गण्डकी प्रदेशका केही स्थानहरूमा तथा कोशी प्रदेशका एक–दुई स्थानमा मेघगर्जनसहित हल्का देखि मध्यम वर्षा भइरहेको छ।
आज दिउँसो कोशी, बागमती र गण्डकी प्रदेशसहित देशका हिमाली तथा पहाडी भू–भागमा सामान्यदेखि पूर्ण बादल रहनेछ। तराई भू–भागमा भने आंशिक बादल रहनेछ। यी प्रदेशका केही स्थानमा र अन्य पहाडी तथा हिमाली क्षेत्रका थोरै स्थानमा मेघगर्जन र चट्याँगसहित मध्यमदेखि उच्च स्तरको वर्षा वा हिमपातको सम्भावना छ।
राति पनि कोशी, मधेश, बागमती र गण्डकी प्रदेशका हिमाली तथा पहाडी भू–भागमा साधारणतया बादल रहनेछ। बाँकी पहाडी तथा तराई भू–भागमा आंशिक बादल रहने अपेक्षा गरिएको छ। विशेषगरी कोशी, मधेश, बागमती र गण्डकी प्रदेशका थोरै स्थानहरूमा तथा कर्णाली र सुदूरपश्चिम प्रदेशका हिमाली क्षेत्रका एक–दुई स्थानमा मेघगर्जनसहित मध्यम वर्षा वा हिमपात हुने सम्भावना रहेको विभागले जनाएको छ।
काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...
जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...
काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...