- अनामनगर काठमाडौँ
- infobikalpa21@gmail.com
काठमाडौँ । नेपाली कांग्रेसले आजदेखि बागमती प्रदेशस्तरीय भेला सुरु गर्दैछ । कांग्रेसको नीति तथा अनुसन्धान प्रतिष्ठानले सातै प्रदेशमा सञ्चालन गरिरहेको ‘प्रदेश र स्थानीय तह केन्द्रित प्रदेशस्तरीय भेला’ अन्तर्गत बागमती प्रदेशको भेला आज र भोलि धुलिखेलमा आयोजना गरिएको हो ।
भेलामा पार्टी सभापति, उपसभापति विश्वप्रकाश शर्मा लगायत शीर्ष नेताहरूले सम्बोधन गर्ने कार्यक्रम रहेको छ । आगामी राजनीतिक कार्यदिशा, निर्वाचन समीक्षा तथा सुशासनका विषयमा केन्द्रित छलफल हुने जनाइएको छ ।
भेलामा केन्द्रीय कार्यसमितिका सदस्य, प्रदेश कार्यसमितिका पदाधिकारी, १० वटै जिल्लाका सभापति, प्रतिनिधिसभा सदस्य, प्रदेश सरकारका मन्त्री, प्रदेशसभा सदस्य तथा स्थानीय तहका प्रमुख–उपप्रमुखहरूको सहभागिता रहनेछ ।
यसअघि कांग्रेसले सुदूरपश्चिम, कर्णाली र गण्डकी प्रदेशमा भेला सम्पन्न गरिसकेको छ भने आगामी दिनमा मधेश, कोशी र लुम्बिनी प्रदेशमा पनि भेला गर्ने कार्यक्रम रहेको छ ।
काठमाडौं : अखिल नेपाल फुटबल संघ (एन्फा)का पूर्वअध्यक्ष कर्मा छिरिङ शेर्पा पक्राउ परेका छन् । प्रहरीको केन्द्रीय अनुसन्धान ब्युरो (सीआईबी)को...
काठमाडौं : नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानअन्तर्गतको बाल अधिकार उपसमितिले १८ वर्षभन्दा कम उमेरका बालबालिकालाई कुनै पनि...
काठमाडौं : राष्ट्रिय स्वतन्त्र पार्टी (रास्वपा)को सहमहामन्त्रीमा नेताहरू हरि ढकाल, निशा डाँगी र असिम शाह निर्वाचित भएका छन् । चितवनको...
