संसदमा विरोध जारी राख्ने हर्क साम्पाङको घोषणा – Naya Bikalpa
November 22, 2026, Sunday      Epaper

संसदमा विरोध जारी राख्ने हर्क साम्पाङको घोषणा

काठमाडौँ । श्रम संस्कृति पार्टीका अध्यक्ष हर्क साम्पाङले संसदमा प्लेकार्ड प्रदर्शनसहितको विरोध कार्यक्रम निरन्तर जारी रहने बताएका छन् ।

बुधबार प्रतिनिधि सभाको बैठकपछि संसद् भवनबाहिर सञ्चारकर्मीसँग कुरा गर्दै साम्पाङले जनताको पक्षमा, संसदको गरिमा र विधि–विधानको रक्षाका लागि आफू निलम्बन हुनसमेत तयार रहेको बताएका हुन् ।

उनले आज पनि आफूलाई निलम्बन गर्न भनिएको तर त्यसो नगरिएको उल्लेख गर्दै सभामुख सबै दलप्रति समान र साझा हुनुपर्ने धारणा राखे । संसदीय दलका नेताहरूलाई बोल्न समय तोक्ने शैली उचित नभएको टिप्पणी गर्दै उनले सभामुख दलविशेषको नभई सम्पूर्ण संसदको हुनुपर्ने बताए ।

साम्पाङले आफूहरूले उठाएका प्रश्नहरूको जवाफ नपाएको भन्दै विरोधका कार्यक्रम जारी रहने स्पष्ट पारे । उनले सरकार जनताप्रति जवाफदेही छ वा छैन भन्ने मूल्यांकन जनताले गर्ने उल्लेख गर्दै पाँचै वर्ष निरन्तर खबरदारी गर्ने बताए ।

उनले दुई–तीन दिनको विरोधपछि मन्त्रीहरू संसदमा उपस्थित भए पनि प्रश्न गर्ने अवसर सभामुखले नदिएको आरोपसमेत लगाए ।

सम्बन्धित समाचार

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ जेष्ठ ६, १६: ४०

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०८३ जेष्ठ ६, १६: ४०

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८३ जेष्ठ ६, १६: ४०

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...