प्रधानमन्त्रीको जवाफ माग्दै प्रतिनिधिसभामा विपक्षीको अवरोध, बैठक जेठ १२ सम्म स्थगित – Naya Bikalpa
November 22, 2026, Sunday      Epaper

प्रधानमन्त्रीको जवाफ माग्दै प्रतिनिधिसभामा विपक्षीको अवरोध, बैठक जेठ १२ सम्म स्थगित

काठमाडौं । बिहीबार बसेको प्रतिनिधिसभाको दोस्रो बैठकमा पनि प्रतिपक्षी दलहरूले अवरोध जारी राखेका छन् । सभामुख डोलप्रसाद अर्याल ले बैठकको कारबाही अघि बढाउनासाथ विपक्षी सांसदहरू वेलमा पुगेर नाराबाजी गरेका हुन् ।

यसअघि पनि प्रतिपक्षी दलहरूले प्रधानमन्त्री बालेन्द्र शाह संसद्मा उपस्थित भएर जवाफ दिनुपर्ने माग गर्दै बैठक अवरुद्ध गरेका थिए । त्यसपछि सभामुख अर्यालले बैठक १५ मिनेटका लागि स्थगित गरेका थिए ।

पुनः बैठक सुरु भएपछि पनि विपक्षी दलहरूले नाराबाजी जारी राखे । प्रमुख प्रतिपक्षी नेपाली कांग्रेस का सांसदहरू भने आफ्नै सिटबाट उभिएर विरोध जनाइरहेका थिए । विपक्षी दलहरूले प्रधानमन्त्रीसँग प्रश्नोत्तर कार्यक्रम सञ्चालन गर्न माग गरेका छन् ।

वेलमा उत्रिएका सांसदहरूले “निरंकुश प्रवृत्ति मुर्दावाद”, “संविधानभन्दा माथिको प्रधानमन्त्री चाहिँदैन” लगायतका नारा लगाउँदै विरोध प्रदर्शन गरेका थिए ।

विपक्षीको निरन्तर अवरोधबीच सभामुख अर्यालले सदनको कारबाही अघि बढाएका थिए । केही विधेयक पारित भएपछि प्रतिनिधिसभाको अर्को बैठक जेठ १२ गते बस्ने गरी स्थगित गरिएको छ ।

सम्बन्धित समाचार

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ जेष्ठ ७, १८: २९

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...

सरोजकुमार यादव मधेस प्रदेशको मुख्यमन्त्री नियुक्त
सरोजकुमार यादव मधेस प्रदेशको मुख्यमन्त्री नियुक्त
  • २०८३ जेष्ठ ७, १८: २९

जनकपुर । मधेस प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन् । प्रदेश...

आज विश्व टेलिभिजन दिवस मनाइँदै
आज विश्व टेलिभिजन दिवस मनाइँदै
  • २०८३ जेष्ठ ७, १८: २९

काठमाडौं । आज नोभेम्बर २१ अर्थात् विश्व टेलिभिजन दिवस विभिन्न कार्यक्रम गरी मनाइँदैछ । टेलिभिजनको महत्त्व, प्रभावकारिता र विश्व समुदायमा...