फिर्केखोला अतिक्रमण हटाउने अभियान दोस्रो दिन पनि जारी, पोखरामा कोरिडोर र साइकल ट्र्याक निर्माण गरिने – Naya Bikalpa
November 22, 2026, Sunday      Epaper

फिर्केखोला अतिक्रमण हटाउने अभियान दोस्रो दिन पनि जारी, पोखरामा कोरिडोर र साइकल ट्र्याक निर्माण गरिने

पोखरा । महानगरपालिकाले फिर्केखोलाको खोला घरमा निर्माण गरिएका अवैध संरचना हटाउने अभियान दोस्रो दिन पनि निरन्तर अघि बढाएको छ।

महानगरले पोखरा–७ र ८ को सिमाना जिरो किलोमिटर, पोखरा–४ र ५ को सिमाना बुढानीलकण्ठ मन्दिर क्षेत्र तथा पोखरा–१८ र २ को सिमाना अधेरीकुनादेखि वडा नं. ४ तर्फका क्षेत्रमा आज बिहान १० बजेदेखि पुनः डोजर चलाएर संरचना हटाउने काम सुरु गरेको हो।

फिर्केखोला नापजाँच प्रतिवेदन–२०८० अनुसार खोलामाथि अतिक्रमण गरी निर्माण गरिएका संरचनाको संख्या १६० पुगेको छ। तीमध्ये व्यक्तिगत रूपमा निर्माण गरिएका ३५ स्थायी र ९७ अस्थायी संरचना रहेका छन्। साथै विभिन्न संस्थाका नाममा निर्माण गरिएका १८ स्थायी र १० अस्थायी संरचना पनि खोलाघरभित्र परेको प्रतिवेदनमा उल्लेख छ।

महानगरपालिकाले अतिक्रमित संरचना हटाएर फिर्केखोलाको संरक्षण, विकास तथा सौन्दर्यीकरण गर्ने योजना अघि सारेको जनाएको छ। योजना अनुसार खोलाको दायाँ–बायाँ साइकल ट्र्याक, फुटपाथसहितको कोरिडोर निर्माण गरिनेछ। साथै फिर्केखोलालाई आकर्षक पर्यटन गन्तव्यका रूपमा विकास गर्ने लक्ष्य महानगरको छ।

नगर प्रमुख धनराज आचार्यले फिर्केखोला पोखराको सभ्यतासँग जोडिएको महत्वपूर्ण सम्पदा भएकाले यसको संरक्षण वातावरण र पर्यावरणका दृष्टिले पनि आवश्यक रहेको बताएका छन्।

यस्तै वातावरण संरक्षणका लागि महाअभियान नेपालका संयोजक राम बहादुर पौडेलले महानगरपालिकाको संरक्षण अभियानमा नागरिक समाजको पूर्ण साथ रहने बताएका छन्।

फिर्केखोलाको खोलाघर खाली गराउने अभियानमा महानगरका जनप्रतिनिधिहरूले सक्रिय सहभागिता जनाइरहेका छन्।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ जेष्ठ ११, १५: ११

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ जेष्ठ ११, १५: ११

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ जेष्ठ ११, १५: ११

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...