संविधान दिवसको दिन बिरोधका कार्यक्रम गर्ने जनता समाजबादीको निर्णय – Naya Bikalpa
November 20, 2026, Friday      Epaper
सन्दर्भः संविधान दिवस – ३ असोज

संविधान दिवसको दिन बिरोधका कार्यक्रम गर्ने जनता समाजबादीको निर्णय




नयाँ विकल्प,
काठमाडौं – जनता सामजवादी पार्टीले भोली असोज ३ गते संविधान दिवस नमनाउने निर्णय गरेको छ ।

जनता समाजवादीका अध्यक्षद्वय महन्थ ठाकुर र उपेन्द्र यादवद्वारा संयुक्त रुपमा जारी विज्ञप्तिमा संविधानमा संघीयता, समावेसी लोकतन्त्र हुनुको साथै बिभेदकारी प्रावधानहरु समेत राखिएले सरकारले घोषणा गरेको संविधान दिवसमा भाग नलिने जननाइएको छ ।

पार्टीले असोज ३ गते संविधानमा रहेका बिभेदकारी एवम् त्रुटिपूर्ण प्रावधानहरु परिवर्तनका लागि संविधान संशोधनको दबाब दिन देशका प्रमुख सहरहरुमा शान्तिपूर्ण बिरोध कार्यक्रमहरु आयोजना गर्न जनसमुदाय र पार्टीका संगठनलाई आव्हान गरेको छ ।

जनता समाजवादी पार्टीले जनआन्दोलन, जनयुद्ध, ऐतिहासिक मधेश जनविद्रोह लगायतका आन्दोलनको बेला सरकारसँग भएका सम्झौताहरु अन्तरिम संविधानमा भएका प्रावधानहरु, पहिलो संविधान सभामा सर्वसम्मत भइसकेका विषयहरु समेटेर संविधान संशोधन नभएको भन्दै विरोध जनाएको हो ।

‘जनताको अभिमतलाई अनादर र उपेक्षा गर्दै जनतमाथि दमन र हत्या गरी विभेदकारी, अधुरो, अपुरो तथा त्रुटिपूर्ण संविधानले मधेशी, आदिवासी जनजाति, दलित÷शिल्पी, महिला, खस, मुश्लिम, थारु अल्पसंख्यक समुदायको मुद्धालाई संवोधन गर्न सकेको छैन’, विज्ञप्तीमा भनिएको छ ।

पाँच महिनाअघि तत्कालिन राष्ट्रिय जनता पार्टी (राजपा) र समाजवादी पार्टी मिलेर गठन भएको जनता समाजवादी पार्टीले एकीकरणपछि संविधान दिवसको दिन बिरोध कार्यक्रम गर्ने निर्णय गरेका हुन् ।

यसअघि गत वर्ष २०७६ सालमा उपेन्द्र यादव नेतृत्वको समाजवादी पार्टी सत्तामा भएकाले विरोधको कार्यक्रम गरेको थिएन भने महन्थ ठाकुर नेतृत्वको राजपाले सो दिनलाई कालो दिवसको रुपमा मनाएको थियो ।

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ आश्विन २, १९: ०७

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ आश्विन २, १९: ०७

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ आश्विन २, १९: ०७

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...