- अनामनगर काठमाडौँ
- infobikalpa21@gmail.com
काठमाडौं : राष्ट्रिय स्वतन्त्र पार्टी (रास्वपा)ले बागमती र कोशी प्रदेशअन्तर्गतका विभिन्न जिल्लाहरूमा जिल्ला अधिवेशन सम्पन्न गरेको छ ।
पार्टीका अनुसार हालसम्म बागमती प्रदेशका १३ जिल्लामध्ये ९ जिल्लामा र कोशी प्रदेशका १४ जिल्लामध्ये ९ जिल्लामा अधिवेशन सम्पन्न भई नयाँ जिल्ला कार्यसमिति चयन भएका छन् ।
निर्वाचन सम्पन्न भएका जिल्लाहरूमा चयन भएका सभापति तथा पदाधिकारीहरूलाई पार्टीले बधाई दिँदै सफल कार्यकालको शुभकामना व्यक्त गरेको छ ।
बागमती प्रदेशमा चयन भएका जिल्ला सभापतिहरू
काठमाडौंमा राजा शाक्य, भक्तपुरमा रामेश्वर बस्नेत, काभ्रेपलाञ्चोकमा प्रबिन ढकाल, सिन्धुलीमा अविनाश बस्नेत, रामेछापमा रमेश रायमाझी, दोलखामा दिनेश बस्नेत, नुवाकोटमा रामेश्वर गजुरेल, धादिङमा राजन अर्याल र मकवानपुरमा सन्जिव पाठक चयन भएका छन् ।
चितवन, रसुवा र ललितपुरमा आज अधिवेशन हुँदैछ भने सिन्धुपाल्चोकमा सुरु भएको अधिवेशन विविध कारणले स्थगित भएको जनाइएको छ ।
कोशी प्रदेशमा चयन भएका जिल्ला सभापतिहरू
सुनसरीमा सागर दाहाल, झापामा ओम भण्डारी, ताप्लेजुङमा राजन कुमार गुरुङ, मोरङमा भरत कडेल, तेह्रथुममा सुमन खत्री, भोजपुरमा ख्यामबहादुर भुजेल, संखुवासभामा भक्त नारायण श्रेष्ठ र ओखलढुंगामा कृष्णबहादुर थापा चयन भएका छन् ।
यसैबीच, धनकुटा, उदयपुर, सोलुखुम्बु, खोटाङ र इलाममा अधिवेशन प्रक्रिया जारी रहेको रास्वपाको केन्द्रीय निर्वाचन आयोगका प्रमुख भुवन केसीले जानकारी दिए ।
काठमाडौं : अखिल नेपाल फुटबल संघ (एन्फा)का पूर्वअध्यक्ष कर्मा छिरिङ शेर्पा पक्राउ परेका छन् । प्रहरीको केन्द्रीय अनुसन्धान ब्युरो (सीआईबी)को...
काठमाडौं : नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानअन्तर्गतको बाल अधिकार उपसमितिले १८ वर्षभन्दा कम उमेरका बालबालिकालाई कुनै पनि...
काठमाडौं : राष्ट्रिय स्वतन्त्र पार्टी (रास्वपा)को सहमहामन्त्रीमा नेताहरू हरि ढकाल, निशा डाँगी र असिम शाह निर्वाचित भएका छन् । चितवनको...
