- अनामनगर काठमाडौँ
- infobikalpa21@gmail.com
काठमाडौं : नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानले विभिन्न नीतिगत तथा सचेतनामूलक विषयमा काम गर्न पाँच वटा विषयगत उपसमिति गठन गरेको छ।
प्रतिष्ठानको चौथो बैठकले प्रतिष्ठान प्रमुख तथा कांग्रेस उपसभापति विश्वप्रकाश शर्माको प्रस्तावमा उपसमितिहरू गठन गर्दै संयोजक चयन गरेको हो। बैठक सभापति गगनकुमार थापाको समुपस्थितिमा विश्वप्रकाश शर्माको अध्यक्षतामा जेठ २७ र २८ गते सम्पन्न भएको थियो।
बैठकले डायस्पोरा डाइलग उपसमितिको संयोजकमा डा. यादव पण्डितलाई चयन गरेको छ। उक्त उपसमितिले नागरिकता, लगानी तथा मतदान अधिकारका विषयमा जनसम्पर्क समितिको औपचारिक संरचनाभन्दा बाहिर रहेका विश्वभरका नेपाली समुदायसँग नीति संवाद र समन्वय गर्ने जनाइएको छ।
यस्तै, स्वास्थ्य बिमा तथा सेवामा पहुँचसम्बन्धी नीतिगत संवाद उपसमितिको संयोजकमा डा. अन्जनीकुमार झा चयन भएका छन्। घरेलु तथा डिजिटल हिंसा सचेतना उपसमितिको संयोजकको जिम्मेवारी स्वीकृती पौडेललाई दिइएको छ।
बैठकले सार्वजनिक यातायात तथा सडक सुरक्षा सचेतना उपसमितिको संयोजकमा श्रीप्रसाद भलामी तथा खेलकुद नीति संवाद उपसमितिको संयोजकमा विनोद दासलाई चयन गरेको छ।
प्रतिष्ठानले यी उपसमितिमार्फत विभिन्न सामाजिक, आर्थिक तथा नीतिगत विषयमा अध्ययन, संवाद र सुझाव संकलनको कामलाई प्रभावकारी बनाउने अपेक्षा गरेको छ।
काठमाडौं : अखिल नेपाल फुटबल संघ (एन्फा)का पूर्वअध्यक्ष कर्मा छिरिङ शेर्पा पक्राउ परेका छन् । प्रहरीको केन्द्रीय अनुसन्धान ब्युरो (सीआईबी)को...
काठमाडौं : नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानअन्तर्गतको बाल अधिकार उपसमितिले १८ वर्षभन्दा कम उमेरका बालबालिकालाई कुनै पनि...
काठमाडौं : राष्ट्रिय स्वतन्त्र पार्टी (रास्वपा)को सहमहामन्त्रीमा नेताहरू हरि ढकाल, निशा डाँगी र असिम शाह निर्वाचित भएका छन् । चितवनको...
