- अनामनगर काठमाडौँ
- infobikalpa21@gmail.com
काठमाडौँ । सूचना तथा सञ्चारमन्त्री डा. विक्रम तिमिल्सिनाले देशभर दूरसञ्चार सेवा विस्तार तथा गुणस्तर सुधारका लागि करिब १६ सय नयाँ टेलिफोन टावर तथा सम्बन्धित पूर्वाधार निर्माणको प्रक्रिया अघि बढाइएको बताएका छन्।
प्रतिनिधिसभाको बुधबारको बैठकमा सांसदहरूले उठाएका प्रश्नहरूको जवाफ दिँदै मन्त्री तिमिल्सिनाले ग्रामीण तथा दुर्गम क्षेत्रमा दूरसञ्चार र इन्टरनेट सेवाको गुणस्तर कमजोर रहेको गुनासो व्यापक रूपमा आउने गरेको उल्लेख गर्दै त्यसको समाधानका लागि मन्त्रालयले विशेष प्राथमिकताका साथ काम गरिरहेको बताए।
उनका अनुसार आगामी आर्थिक वर्षमा दूरसञ्चार सेवा विस्तार र स्तरोन्नतिका लागि नेपाल टेलिकममार्फत मन्त्रालयको बजेटभन्दा बढी रकम लगानी गरिनेछ। ग्रामीण क्षेत्रमा सेवा विस्तार तथा गुणस्तर सुधारका लागि मात्रै नेपाल टेलिकमले ६ अर्ब रुपैयाँभन्दा बढी लगानी गर्ने तयारी गरेको उनले जानकारी दिए।
हाल देशभर चार हजार ८२९ दूरसञ्चार साइट सञ्चालनमा रहेका छन्। प्रदेशगत रूपमा कोशीमा ७६०, मधेशमा ५६८, बागमतीमा एक हजार २७७, गण्डकीमा ५९९, लुम्बिनीमा ८१९, कर्णालीमा ३०५ र सुदूरपश्चिममा ५०१ साइट सञ्चालनमा छन्।
नेपाल दूरसञ्चार प्राधिकरण र नेपाल टेलिकमको अध्ययनअनुसार सेवा पहुँच र गुणस्तर सुधारका लागि थप एक हजार ४४३ नयाँ साइट आवश्यक रहेको पहिचान गरिएको छ। प्रदेशगत रूपमा कोशीमा २५७, मधेशमा २२८, बागमतीमा ३८९, गण्डकीमा ७६, लुम्बिनीमा २००, कर्णालीमा १२१ र सुदूरपश्चिममा १७२ नयाँ साइट आवश्यक देखिएको छ।
मन्त्री तिमिल्सिनाले आवश्यकताभन्दा बढी पूर्वाधार निर्माणलाई लक्ष्य गर्दै करिब १६ सय साइटका लागि खरिद प्रक्रिया अघि बढाउन लागिएको बताए। उनले दूरसञ्चार उपकरणका अधिकांश सामग्री विदेशबाट आयात गर्नुपर्ने भएकाले निर्माणमा केही समय लाग्न सक्ने भए पनि मन्त्रालयले सम्बन्धित सेवा प्रदायक संस्थासँग नियमित समन्वय गर्दै समयमै काम सम्पन्न गर्न निर्देशन दिएको जानकारी दिए।
सरकार नागरिकका दूरसञ्चार सेवा सम्बन्धी गुनासाप्रति संवेदनशील रहेको उल्लेख गर्दै मन्त्री तिमिल्सिनाले गुणस्तरीय सञ्चार सेवा सुनिश्चित गर्न तीव्र गतिमा काम भइरहेको बताए।
काठमाडौं : अखिल नेपाल फुटबल संघ (एन्फा)का पूर्वअध्यक्ष कर्मा छिरिङ शेर्पा पक्राउ परेका छन् । प्रहरीको केन्द्रीय अनुसन्धान ब्युरो (सीआईबी)को...
काठमाडौं : नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानअन्तर्गतको बाल अधिकार उपसमितिले १८ वर्षभन्दा कम उमेरका बालबालिकालाई कुनै पनि...
काठमाडौं : राष्ट्रिय स्वतन्त्र पार्टी (रास्वपा)को सहमहामन्त्रीमा नेताहरू हरि ढकाल, निशा डाँगी र असिम शाह निर्वाचित भएका छन् । चितवनको...
