- अनामनगर काठमाडौँ
- infobikalpa21@gmail.com
पोखरा — पोखरा महानगरपालिकाले आगामी आर्थिक वर्ष २०८३/०८४ का लागि ७ अर्ब १५ करोड २५ लाख रुपैयाँको बजेट सार्वजनिक गरेको छ। १९औँ नगरसभाको बैठकमा उपप्रमुख मन्जुदेवी गुरुङले वार्षिक नीति तथा कार्यक्रम कार्यान्वयनका लागि उक्त बजेट प्रस्तुत गरेकी हुन्।
प्रस्तुत बजेटअनुसार खर्च व्यहोर्ने मुख्य स्रोतमा सङ्घीय सरकारबाट प्राप्त हुने विभिन्न अनुदान रहेका छन्। सङ्घीय सरकारको सशर्त अनुदानबाट २ अर्ब ६१ करोड ९१ लाख, विशेष अनुदानबाट ५ करोड ५० लाख, समपूरक अनुदानबाट १ करोड ८२ लाख तथा समानिकरण अनुदानबाट ४९ करोड ३७ लाख रुपैयाँ प्राप्त हुने अनुमान गरिएको छ। यसरी सङ्घीय वित्तीय हस्तान्तरणको कुल योगदान ३ अर्ब १८ करोड ६० लाख रुपैयाँ रहनेछ।
त्यस्तै गण्डकी प्रदेश सरकारबाट समपूरक अनुदानतर्फ ६० लाख, विशेष अनुदानतर्फ ४० लाख र समानिकरण अनुदानतर्फ ८ करोड १५ लाख ३६ हजार रुपैयाँ प्राप्त हुने प्रक्षेपण गरिएको छ। प्रदेश सरकारको कुल वित्तीय हस्तान्तरण ९ करोड १५ लाख ३६ हजार रुपैयाँ रहने जनाइएको छ।
महानगरले राजस्व बाँडफाँड र आन्तरिक आयलाई पनि बजेटको महत्वपूर्ण आधार बनाएको छ। सङ्घीय सरकारबाट राजस्व बाँडफाँडमार्फत ३४ करोड ३४ लाख ७३ हजार, गण्डकी प्रदेश सरकारबाट ४ करोड ९ लाख ८६ हजार तथा स्थानीय राजस्व बाँडफाँडबाट १ अर्ब ३१ लाख १४ हजार रुपैयाँ प्राप्त हुने अनुमान गरिएको छ। आन्तरिक स्रोतबाट मात्रै २ अर्ब ४८ करोड ७३ लाख ९१ हजार रुपैयाँ संकलन हुने लक्ष्य राखिएको छ।
कुल बजेटमध्ये ५५.१५ प्रतिशत चालु खर्च र ४४.९५ प्रतिशत पुँजीगत खर्चका लागि विनियोजन गरिएको महानगरपालिकाले जनाएको छ। सभामा आर्थिक विधेयक २०८३ र विनियोजन विधेयक २०८३ समेत प्रस्तुत गरिएको छ।
महानगरपालिकाका अनुसार नगरसभाको अर्को बैठक असार १७ गते दिउँसो २ बजे बस्नेछ।
धनकुटा : नेपाली कांग्रेसकी सहमहामन्त्री डा. डिला संग्रौलाले पार्टीको निर्धारित महाधिवेशन आगामी असोजमै सम्पन्न हुने बताउँदै त्यसको तयारीस्वरूप देशभर क्रियाशील...
काठमाडौं : शिक्षा तथा खेलकुदमन्त्री सस्मित पोखरेलले राष्ट्रिय परीक्षा बोर्डले नतिजा समयमै प्रकाशन गर्न कुनै हतार नगरेको स्पष्ट पारेका छन् ।...
चितवन । राष्ट्रिय स्वतन्त्र पार्टी (रास्वपा) ले दोस्रो चरणअन्तर्गत पार्टी पदाधिकारी निर्वाचनको तालिका सार्वजनिक गरेको छ । केन्द्रीय निर्वाचन आयोगका...
