अविरल वर्षापछि दार्चुला–बैतडीमा पहिरो, सडक अवरुद्ध – Naya Bikalpa
November 22, 2026, Sunday      Epaper

अविरल वर्षापछि दार्चुला–बैतडीमा पहिरो, सडक अवरुद्ध

काठमाडौं । अविरल वर्षापछि दार्चुला–बैतडीमा पहिरो, सडक अवरुद्ध

अविरल वर्षापछि दार्चुला र बैतडीका विभिन्न स्थानमा पहिरो खस्दा सडक तथा यातायात सेवा प्रभावित भएको छ। मंगलबार बिहान खसेको पहिरोका कारण दार्चुलाको मालिकार्जुन गाउँपालिका–४ का दुई स्थान र बैतडीको गोकुलेश्वर–लटिनाथ सडक खण्डको एक स्थानमा सडक पूर्ण रूपमा अवरुद्ध भएको प्रहरीले जनाएको छ।

प्रदेश ट्राफिक प्रहरी कार्यालय अत्तरियाका अनुसार पहिरोले सडक बन्द भएपछि उक्त मार्गमा सवारीसाधन सञ्चालन हुन सकेको छैन। जसका कारण यात्रुहरू गन्तव्यमा पुग्न कठिनाइ भोगिरहेका छन्।

सडक खुलाउने प्रयासस्वरूप स्थानीय तहको समन्वयमा पहिरो पन्छाउने काम तीव्र रूपमा भइरहेको जनाइएको छ।

प्रहरीले लगातारको वर्षासँगै थप पहिरो खस्ने जोखिम कायम रहेकाले अत्यावश्यक बाहेकको यात्रा नगर्न तथा यात्रा गर्दा उच्च सतर्कता अपनाउन सर्वसाधारणलाई आग्रह गरेको छ। मौसममा सुधार नआएसम्म जोखिमयुक्त सडक खण्डमा विशेष सावधानी अपनाउन पनि अनुरोध गरिएको छ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ असार १६, १२: १३

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ असार १६, १२: १३

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ असार १६, १२: १३

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...