- अनामनगर काठमाडौँ
- infobikalpa21@gmail.com
काठमाडौं । नेकपा (एमाले)का नेता तथा प्रतिनिधिसभाका पूर्वसदस्य लक्ष्मी महतो कोइरीलाई सशस्त्र प्रहरीका असई थमन विक हत्या प्रकरणमा प्रहरीले पक्राउ गरेको छ। उच्च अदालत जनकपुरधामले बुधबार उक्त मुद्दामा कोइरीलाई पाँच वर्ष कैद सजाय सुनाएपछि प्रहरीले बिहीबार साँझ महोत्तरीको गौशाला–५ स्थित एमाले पार्टी कार्यालयबाट उनलाई नियन्त्रणमा लिएको हो।
जिल्ला प्रहरी कार्यालय महोत्तरीका प्रवक्ता तथा प्रहरी नायव उपरीक्षक पञ्चलाल गोलेका अनुसार अदालतको फैसलाअनुसार कोइरीलाई पक्राउ गरी जिल्ला सदरमुकाम जलेश्वर लगिएको छ। कोइरी एमालेको मधेश प्रदेश कमिटी सदस्यसमेत हुन्।
यसअघि महोत्तरी जिल्ला अदालतले २०८० साल मंसिर २८ गते यही मुद्दामा कोइरीलाई सफाइ दिएको थियो। तर उच्च अदालत जनकपुरधामले जिल्ला अदालतको फैसला उल्टाउँदै उनलाई दोषी ठहर गरेको हो।
फौज्दारी मुद्दा विचाराधीन रहेकै समयमा कोइरी २०७९ सालको प्रतिनिधिसभा निर्वाचनमा महोत्तरी निर्वाचन क्षेत्र नं. १ बाट एमालेका तर्फबाट निर्वाचित भएका थिए। पछिल्लो निर्वाचनमा भने उनी पराजित भएका थिए।
सशस्त्र प्रहरीका असई थमन विकको २०७२ साल भदौमा मधेश आन्दोलनका क्रममा हत्या भएको थियो। जलेश्वरमा प्रारम्भिक उपचारपछि थप उपचारका लागि एम्बुलेन्समार्फत जनकपुर लैजाँदै गर्दा बाटोमा रहेका केही व्यक्तिले उनलाई एम्बुलेन्सबाट बाहिर निकालेर कुटपिट गरेका थिए। गम्भीर घाइते भएका विकको सोही घटनामा मृत्यु भएको थियो।
उच्च अदालतको पछिल्लो फैसलासँगै लामो समयदेखि चर्चामा रहेको थमन विक हत्या प्रकरण फेरि राजनीतिक तथा कानुनी बहसको केन्द्रमा आएको छ।
काठमाडौँ : राष्ट्रिय स्वतन्त्र पार्टी (रास्वपा) का नेता बालेन शाह नेतृत्वको सरकारले आज सय दिने उपलब्धि सार्वजनिक गरेको छ ।...
हेटौँडा : बागमती प्रदेश सरकारको आगामी आर्थिक वर्ष २०८३/०८४ को ६६ अर्ब ९३ करोड ३३ लाख रुपैयाँको बजेट प्रदेशसभाबाट बहुमतले...
काठमाडौं : कर्णालीमा बेपत्ता गाडी र यात्रुको खोजी गर्न सोनार क्यामरा र म्याग्नेटसहितको टोली पठाइएको छ। दैलेखको चामुण्डा बिन्द्रासैनी नगरपालिका–७...
