कांग्रेस केन्द्रीय कार्यसमिति बैठक असोज १९ गते बोलाइयो – Naya Bikalpa
November 20, 2026, Friday      Epaper

कांग्रेस केन्द्रीय कार्यसमिति बैठक असोज १९ गते बोलाइयो

नयाँ विकल्प,
काठमाडौं – नेपाली कांग्रेसका सभपाति शेरबहादुर देउवाले पार्टी केन्द्रीय कार्यसमितिको बैठक दुई सातापछि आगामी असोज १९ गते सोमबार दिउँसो २ बजे पार्टीको केन्द्रीय कार्यालय सानेपामा बोलाएका छन् ।

पार्टीको आगामी १४ औं महाधिवेशन २०७७ साल फागुन ७ देखि १० गतेसम्म गर्ने गरी निर्धारण भएको कार्यतालिका प्रभावित हुने भएपछि आगामी असोज १९ गतेको बैठक बोलाइएको छ ।

पार्टी केन्द्रीय कार्यसमितिको गत असार २२ गतेको बैठकले पार्टीको १४ औं महाधिवेशन र प्रदेश, जिल्ला, क्षेत्र, पालिका र वडा अधिवेशनको कार्यतालिका तोकेको थियो । पार्टी केन्द्रीय कार्यसमितिको बैठक तीन महिनासम्म बस्न नसक्दा पार्टीका शीर्ष नेताबीच नै महाधिवेशनलाई लिएर बिबाद उत्पन्न हुन थालेका छन् ।

पार्टी सभपाति शेरबहादुर देउवाले कोभिड १९ का कारण केन्द्रीय महाधिवेशन नै प्रभावित हुने भन्दै फागुनमा सम्भव नभए २०७८ साल भदौमा महाधिवेशन गर्न सकिने प्रस्ताव अघि सारेका थिए ।

सभापति देउवाको यस्तो प्रस्तावप्रति आशंका व्यक्त गर्दै अर्का नेता रामचन्द्र पौडेलले पुरानै प्रतिनिधिलाई समावेस गरेर भए पनि आगामी फागुनमै महाधिवेशन हुनु पर्ने माग गरेका थिए ।

महाधिवेशनको तयारी सन्दर्भमा सो बैठकमा केन्द्रीय कार्यसमितिका पदाधिकारी, केन्द्रीय सदस्यहरु तथा आमन्त्रित केन्द्रीय सदस्यहरुको उपस्थितिका लागि पार्टी केन्द्रीय कार्यालयका मुख्य सचिव कृष्णप्रसाद पौडेलले जनाएका छन् ।

केन्द्रीय कार्यसमिति बैठकमा भाग लिन आउनेहरुले कोभिड–१९ को महामारीका कारण बैठक अगाडि पिसिआर टेष्टको व्यवस्था पार्टी केन्द्रीय कार्यालयले गरेको हुँदा पार्टीका केन्द्रीय पदाधिकारी, सदस्य एवम् आमन्त्रित केन्द्रीय सदस्यलाई जानकारी गराएको छ ।

पार्टीले नेतासहित केन्द्रीय कार्यालयका कर्मचारीलाई अनिवार्य रुपमा असोज १५ गते विहान ११ देखि ३ बजेसम्म पार्टी केन्द्रीय कार्यालयमा उपस्थित भई पिसिआर टेष्ट गराउन अनुरोध गरिएको छ ।

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ आश्विन ५, २३: ०७

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ आश्विन ५, २३: ०७

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ आश्विन ५, २३: ०७

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...