झापाको कजुवे–रातेखालमा तत्काल पुल बनाउन सांसद इन्दिरा राना मगरको माग – Naya Bikalpa
November 22, 2026, Sunday      Epaper

झापाको कजुवे–रातेखालमा तत्काल पुल बनाउन सांसद इन्दिरा राना मगरको माग

काठमाडौं । राष्ट्रिय स्वतन्त्र पार्टी (रास्वपा) की सांसद इन्दिरा राना मगरले झापाको कजुवे–रातेखाल क्षेत्रमा पुल निर्माणमा भएको ढिलाइका कारण स्थानीयवासी, विशेषगरी विद्यार्थी, दैनिक जोखिम मोलेर खोला तरेर विद्यालय जान बाध्य भएको बताएकी छन्।

शुक्रबार प्रतिनिधिसभा बैठकमा बोल्दै उनले झापा–२ अन्तर्गतको रातेखाल क्षेत्रमा हालै आएको बाढीले समस्या झनै जटिल बनाएको उल्लेख गरिन्। तीन वर्षअघि नै पुल निर्माणका लागि बजेट विनियोजन भए पनि काम अघि नबढेको भन्दै स्थानीयले २० लाख रुपैयाँ संकलन गरेर निर्माणको प्रयास गर्दा समेत आवश्यक मापदण्ड पूरा नभएको भन्दै काम रोकिएको जानकारी दिइन्।

राना मगरले पुल अभावका कारण खोला तरेर विद्यालय जाने क्रममा यसअघि पनि धेरै बालबालिकाले ज्यान गुमाएको दाबी गर्दै आफू स्थलगत निरीक्षणमा पुगेकै दिन १० वर्षीय एक बालक साइकलसहित खोलामा खसेको र स्थानीयको सहयोगमा सकुशल उद्धार गरिएको घटना सुनाइन्।

उनले भौतिक पूर्वाधार तथा यातायात मन्त्रालयको ध्यानाकर्षण गराउँदै कजुवे–रातेखाल क्षेत्रमा अविलम्ब सुरक्षित पुल निर्माणको प्रक्रिया अघि बढाउन सरकारसँग माग गरिन्।

त्यसैगरी, सांसद राना मगरले गणेश नेपालीको निधनप्रति गहिरो दुःख व्यक्त गर्दै भविष्यमा कुनै पनि नेपाली नागरिक आत्मदाहजस्तो चरम कदम चाल्न बाध्य नहुने वातावरण निर्माण गर्न सरकार गम्भीर बन्नुपर्नेमा जोड दिइन्।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ असार २६, १४: ५४

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ असार २६, १४: ५४

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ असार २६, १४: ५४

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...