प्रतिनिधिसभाका तीन समितिको बैठक आज, धितोपत्र बजारदेखि ग्यास आपूर्तिसम्मका विषयमा छलफल – Naya Bikalpa
November 22, 2026, Sunday      Epaper

प्रतिनिधिसभाका तीन समितिको बैठक आज, धितोपत्र बजारदेखि ग्यास आपूर्तिसम्मका विषयमा छलफल

काठमाडौं । प्रतिनिधिसभा अन्तर्गतका तीन संसदीय समितिको बैठक आज बस्दैछ। अर्थ समिति, शिक्षा, स्वास्थ्य तथा सूचना प्रविधि समिति तथा उद्योग, वाणिज्य र श्रम तथा उपभोक्ता हित समितिले समसामयिक विषयमा छलफल गर्ने कार्यसूची तय गरेका छन्।

आज बिहान साढे ८ बजे बस्ने अर्थ समिति बैठकमा नेपाल धितोपत्र बोर्ड (सेबोन)सँग आर्थिक वर्ष २०८२/८३ मा सम्पन्न भएका प्रमुख कामकारबाही, धितोपत्र बजारको नियमन र विकासका लागि गरिएका प्रयास, प्राप्त उपलब्धि तथा लगानीकर्ताको हित संरक्षणका लागि अपनाइएका उपायबारे जानकारी लिने कार्यसूची रहेको छ।

यस्तै, बिहान साढे ८ बजे नै बस्ने शिक्षा, स्वास्थ्य तथा सूचना प्रविधि समिति बैठकमा राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१ माथि छलफल हुनेछ। उक्त छलफलमा विज्ञान, प्रविधि तथा नवप्रवर्तन मन्त्री, सम्बन्धित मन्त्रालयका सचिवहरू तथा राष्ट्रिय विधि विज्ञान प्रयोगशालाका कार्यकारी निर्देशक सहभागी हुनेछन्।

त्यसैगरी, बिहान ८ बजे बस्ने उद्योग, वाणिज्य र श्रम तथा उपभोक्ता हित समिति बैठकमा खाना पकाउने एलपी ग्यासको आपूर्तिमा देखिएको समस्या, त्यसको कारण तथा उपभोक्तामा परेको प्रभावबारे उद्योग, वाणिज्य तथा आपूर्ति मन्त्री र मन्त्रालयका सचिवसँग छलफल गरिने समितिले जनाएको छ।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ असार ३१, ०६: ५८

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ असार ३१, ०६: ५८

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ असार ३१, ०६: ५८

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...