कर्मचारीको आधिकारिक ट्रेड युनियन निर्वाचन सरकारले रोक्यो – Naya Bikalpa
November 20, 2026, Friday      Epaper
निजामति कर्मचारीको निर्वाचनबाट तर्सीएपछि मन्त्रिपरिषद बैठक

कर्मचारीको आधिकारिक ट्रेड युनियन निर्वाचन सरकारले रोक्यो

मन्त्रिपरिषद्काे मंगलबार बालुवाटारमा बसेकाे बैठक



नयाँ विकल्प,
काठमाडौं – आधिकारिक ट्रेड युनियनको लागि आगामी असोज २४ गते हुने भनिएको निजामती कर्मचारीको निर्वाचन सरकारले रोकिदिएको छ

प्रधानमन्त्री केपी शर्मा ओलीको अध्यक्षतामा मंगलबार प्रधानमन्त्रीको सरकारी निवास बालुवाटारमा बसेको मन्त्रिपरिषद्को बैठकले आधिकारिक ट्रेड युनियनको निर्वाचन रोक्ने निर्णय गरेको हो ।

निजामती कर्मचारीहरुको आधिकारिक ट्रेड युनियनको निर्वाचनका लागि प्रमुख निर्वाचन अधिकृतको कार्यालयले कार्यतालिका समेत सार्वजनिक गरेको थियो ।

आधिकारिक ट्रेड युनियनले निर्वाचनका लागि असोज १ देखि निर्वाचन आचारसंहिता लागू भइसकेको थियो भने निर्वाचन कार्यक्रम तय गर्न कानुन र संघीय मामिला मन्त्रालयमा राय माग गरिएको थियो ।

मन्त्रिपरिषदका सदस्यहरु परिवर्तन गर्ने विषयमा सत्तारुढ नेकपा भित्र छलफल भइरहेको र दशैं, तिहार जस्ता चाडबाडको मुखमा आफूप्रति भक्तिभाव देखाउने कर्मचारीलाई मालदार अड्डामा सरुवा गर्नु पर्ने स्वार्थका कारण निर्वाचन नै सरकारले स्थगित गरेको बुझिएको छ ।

कानून र संघीय मामिला दुवै मन्त्रालयबाट कुनै प्रतिक्रिया नआएपछि निर्वाचन कार्यालयले आफैं कार्यक्रम बनाएर सार्वजनिक गरेको थियो । निर्वाचन आचारसंहिता लागू भएपछि मतदाता हुन योग्यता पुगेका कुनै पनि कर्मचारीको सरुवा गर्न पाइँदैन ।

सरुवा गरिसके पनि रवाना गराउन नपाइने नियम छ । ट्रेड युनियन निर्वाचन संचालनका लागि मतदाता नामावली संकलन पनि थालिएको थियो ।

निर्वाचन सम्पन्न नभएसम्मलाई निजामती सेवा ऐन र निजामती कर्मचारीहरुको आधिकारिक ट्रेड युनियनको निर्वाचनसम्बन्धी विनियमावली अनुसार मतदाता हुने कर्मचारीको सरुवा, काज सरुवा लगायतका कार्य नगर्न,नगराउन र सरुवा भइसकेको भए रमाना नगर्न, नगराउन समेत निर्वाचन कार्यालयले पत्रचार गरिसकेको थियो ।

आफू अनूकुलका कर्मचारीलाई चाडबाडकै मुखमा सरुवा गर्नु पर्ने चाहना र तिव्र इच्छाका कारण संघीय मामिला तथा सामान्य प्रशासन मन्त्री हृदयेस त्रिपाठी र कानून, न्याय तथा संसदीय मामिला मन्त्री डा. शीवमाया तुम्वाहाम्फेको दबाबमा मन्त्रिपरिषद्बाटै यस्तो निर्णय भएको हो ।

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ आश्विन ६, १५: ३०

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ आश्विन ६, १५: ३०

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ आश्विन ६, १५: ३०

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...