भदौ २३–२४ को घटनाबारे गम्भीर समीक्षा गर्न प्रचण्डको आग्रह, वाम आन्दोलन र सुरक्षा संयन्त्रप्रति प्रश्न – Naya Bikalpa
November 22, 2026, Sunday      Epaper

भदौ २३–२४ को घटनाबारे गम्भीर समीक्षा गर्न प्रचण्डको आग्रह, वाम आन्दोलन र सुरक्षा संयन्त्रप्रति प्रश्न

काठमाडौं । नेपाल कम्युनिष्ट पार्टीका संयोजक तथा पूर्वप्रधानमन्त्री पुष्पकमल दाहाल ‘प्रचण्ड’ले हालैको राजनीतिक घटनाक्रमले नेपालको राजनीतिक नेतृत्व, सुरक्षा संयन्त्र र वामपन्थी आन्दोलनका कमजोरीबारे गम्भीर तथा वैज्ञानिक समीक्षा आवश्यक रहेको बताएका छन्।

४८औँ पुष्पलाल स्मृति दिवसका अवसरमा आयोजित ‘वर्तमान राजनीतिक परिस्थितिमा वामपन्थी दलहरूको भूमिका’ विषयक विचार गोष्ठीलाई सम्बोधन गर्दै उनले २०८२ साल भदौ २३ र २४ गते भएको घटनालाई प्रतिक्रान्तिकारी परिघटना भएको दाबी गरे। उक्त घटनामा वैदेशिक दबाब र हस्तक्षेपसमेत देखिएको उनको भनाइ थियो।

प्रचण्डले नेपालको सुरक्षा निकायको भूमिकाप्रति प्रश्न उठाउँदै वर्तमान चुनौतीहरूको सामना गर्न समग्र राजनीतिक शक्ति र सुरक्षा संयन्त्रको वस्तुगत समीक्षा आवश्यक रहेको बताए।

उनले विगतमा अंग्रेजसँग वीरतापूर्वक लड्ने नेपाली सेना र कमाण्डरहरूको इतिहास स्मरण गर्दै अहिलेको अवस्था किन सिर्जना भयो भन्ने विषयमा गम्भीर आत्मसमीक्षा गर्नुपर्ने धारणा राखे।

उनका अनुसार, विगतमा सामन्ती निरंकुशतन्त्रविरुद्ध सशस्त्र संघर्ष, जनयुद्ध, जनआन्दोलन र शान्तिपूर्ण आन्दोलनमार्फत जनताको शक्ति प्रदर्शन भएको भए पनि भदौ २३–२४ को घटनासम्म आइपुग्दा वामपन्थी दलहरू किन कमजोर देखिए भन्ने प्रश्नको वैज्ञानिक उत्तर खोज्न आवश्यक छ।

प्रचण्डले विगतमा कमीकमजोरीबारे समीक्षा र आत्मआलोचना हुँदै आएको उल्लेख गर्दै अहिलेको परिस्थितिमा सामान्य समीक्षा मात्र पर्याप्त नहुने बताए। उनले वामपन्थी आन्दोलनले कतै गम्भीर त्रुटि गरेको हुन सक्ने स्वीकार गर्दै त्यसको इमानदार विश्लेषण गर्नुपर्नेमा जोड दिए।

उनले हालै नेपालका ऐतिहासिक धरोहर तथा विभिन्न राजनीतिक दलका पार्टी कार्यालयमा भएको आगजनी र विध्वंसका घटनाले गम्भीर प्रश्न उठाएको उल्लेख गर्दै यस्ता घटनाका कारण र पृष्ठभूमिबारे निष्पक्ष तथा गहिरो समीक्षा आवश्यक रहेको बताए।

सम्बन्धित समाचार

कस्तो रहला आजको मौसम ?
कस्तो रहला आजको मौसम ?
  • २०८३ श्रावण ८, १६: ११

काठमाडौं : हाल नेपालको पश्चिमी भू–भागमा पश्चिमी वायुको तथा पूर्वी भू–भागमा भारतको ओडिसा आसपास अवस्थित न्यून चापीय प्रणालीको आंशिक प्रभाव...

आजका लागि विदेशी मुद्राको विनिमयदर
आजका लागि विदेशी मुद्राको विनिमयदर
  • २०८३ श्रावण ८, १६: ११

काठमाडौं : नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ। राष्ट्र बैंकका अनुसार अमेरिकी डलर एकको खरिददर...

प्रधानमन्त्री शाह आज भारतको दुईदिने राजकीय भ्रमणमा जाँदै
प्रधानमन्त्री शाह आज भारतको दुईदिने राजकीय भ्रमणमा जाँदै
  • २०८३ श्रावण ८, १६: ११

काठमाडौं । प्रधानमन्त्री बालेन्द्र शाह आज भारतको दुईदिने राजकीय भ्रमणमा जाँदैछन् । भारतीय प्रधानमन्त्री नरेन्द्र मोदीको मैत्रीपूर्ण निमन्त्रणामा प्रधानमन्त्री शाह...