- अनामनगर काठमाडौँ
- infobikalpa21@gmail.com
हेटौँडा, मकवानपुर — मकवानपुरको हेटौँडा उपमहानगरपालिका–११ थानाभर्याङस्थित यातायात व्यवस्था कार्यालय अगाडि एक पुरुष रक्ताम्य अवस्थामा मृत फेला परेका छन्।
प्रारम्भिक जानकारीअनुसार मृतकको पहिचान मकवानपुरको थाहा नगरपालिका–३ चित्लाङ निवासी आसमान गोपालीका रूपमा भएको प्रहरीले जनाएको छ।
घटनास्थलमा ठूलो मात्रामा रगत देखिएको छ। साथै, घटनापछि मृतकसँगै रहेकी एक महिला फरार रहेको र उनको खोजी कार्य तीव्र बनाइएको जिल्ला प्रहरी कार्यालय मकवानपुरले जनाएको छ।
घटनाको सूचना प्राप्त हुनासाथ जिल्ला प्रहरी कार्यालय मकवानपुरका प्रहरी उपरीक्षक (एसपी) श्यामबहादुर खत्री घटनास्थलमा पुगेर अनुसन्धानको नेतृत्व गरिरहेका छन्। प्रहरीले घटनास्थललाई सुरक्षा घेराभित्र राखी प्रमाण सङ्कलन, प्रत्यक्षदर्शीसँग सोधपुछ तथा अन्य अनुसन्धानलाई तीव्रता दिएको छ।
त्यसैगरी, जिल्ला ट्राफिक प्रहरी कार्यालय मकवानपुरका इन्स्पेक्टर राजु बिष्ट पनि घटनास्थलमा परिचालित छन्। हेटौँडा उपमहानगरपालिका–११ की वडा अध्यक्षसमेत घटनास्थलमा पुगेर मृतकका आफन्तसँग समन्वय र आवश्यक सहयोगमा जुटेकी छन्।
प्रहरीले घटनालाई गम्भीर रूपमा लिएर अनुसन्धान अघि बढाएको जनाएको छ। मृत्युको वास्तविक कारण, फरार महिलाको सम्भावित संलग्नता तथा घटनाको प्रकृतिबारे अनुसन्धान जारी रहेकाले आधिकारिक निष्कर्ष आउन बाँकी रहेको प्रहरीले जनाएको छ।
काठमाडौं : विशेष अदालतले नेपाली कांग्रेसका नेता तथा पूर्वमन्त्री ज्ञानेन्द्रबहादुर कार्कीलाई पोखरा क्षेत्रीय अन्तर्राष्ट्रिय विमानस्थल निर्माणसँग सम्बन्धित भ्रष्टाचार मुद्दामा १५ लाख...
ललितपुर : नेपाली कांग्रेसले खाना पकाउने ग्यासको अभाव, विद्युत् खपतमा कर वृद्धि, रासायनिक मलको संकट, बजारमा बढ्दो महँगी तथा सरकारको...
काठमाडौं : नेपाल क्रिकेट संघ (क्यान)ले नेपाली राष्ट्रिय क्रिकेट टोलीको एकदिवसीय (ओडिआई) कप्तान परिवर्तन गर्दै स्पिनर सन्दीप लामिछानेलाई नयाँ कप्तान...
