प्रदेश राजधानी दाङ राख्ने प्रस्तावको कांग्रेस सांसदद्वारा असहमति जनाउँदै अवरोध – Naya Bikalpa
November 20, 2026, Friday      Epaper

प्रदेश राजधानी दाङ राख्ने प्रस्तावको कांग्रेस सांसदद्वारा असहमति जनाउँदै अवरोध


नयाँ विकल्प,
बुटबल – प्रदेश ५ को स्थायी राजधानी दाङको भालुवाङमा राख्ने प्रदेश ५ सरकारको प्रस्तावप्रति गम्भीर असहमति जनाउँदै प्रमुख प्रतिपक्षी दल नेपाली कांग्रेससहित दुई दलले सभामुखको रोष्टम घेरेपछि प्रदेश सभा बैठक स्थगित भएको छ ।

प्रदेश ५ को स्थायी राजधानी दाङको भालुवाङ राख्ने र प्रदेशको नाम लुम्विनी राख्ने प्रदेश सरकारको निर्णयसहितको प्रस्ताव प्रदेशका आन्तरिक मामिला तथा कानून मन्त्री कुलबहादुर केसीले राखेपछि प्रमुख प्रतिपक्षी दल कांग्रेसले विरोध जनाएको हो ।

प्रस्ताव प्रस्तुत गरेपछि प्रमुख प्रतिपक्षी दलका नेता बीरेन्द्रकुमार कनौडियाले प्रदेशको राजधानी बुटबलबाट दाङ सार्नुको कारण र औचित्य पुष्टि गर्न प्रदेश सरकारलाई चुनौति दिए ।

नेता कनौडियाले दाङमा प्रदेशको राजधानी घोषणा गरेपछि भौतिक संरचना निर्माण गर्न मात्रै अर्बौं बजेट खर्च हुने भन्दै राज्यले त्यत्रो व्ययभार बेहोर्न नसक्ने बताए ।

उनले अन्य कतै नभएर दाङको भालुवाङ नै स्थायी राजधानी प्रस्ताव गनुृको औचित्य र कारण पुष्टि हुन नसकेको भन्दै सभाको कारबाही अघि बढ्न दिएका थिएनन् ।

कांग्रेस संसदीय दलका नेता कनौडियाले बोलिसकेपछि पनि कांग्रेसका सांसदहरुले आ आफ्नो ठाउँबाट उठेर विरोध जनाएका थिए । त्यसपछि सभामुख पूर्णबहादुर घर्तीले सदनको कारबाही अघि बढाउन खोजेपछि कांग्रेस र जनता समाजवादीका सांसदहरुसमेत रोष्टम घेर्न गएका थिए ।

सरकारले पेश गरेको प्रस्तावको विरुद्ध करिव १० मिनेटसम्म नाराबाजी गरेपछि सभामुख घर्तीले दिउँसो २ बजेसम्मको लागि सदनको बैठक स्थगित गरेका थिए ।

सभामुखको बेल अघि उभिएर प्रतिपक्षी सांसदले राजधानी तोक्ने विषय सांसदहरुको छलफलबाट मात्र गर्नु पर्ने भन्दै विरोधमा उत्रिएका प्रदर्शनकारीको रिहाइ गर्न माग गरेका थिए ।

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ आश्विन १९, १३: ५६

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ आश्विन १९, १३: ५६

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ आश्विन १९, १३: ५६

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...