जाजरकोट जीप दुर्घटनाः मृतकको संख्या ७ पुग्यो, चालकको घर र पसलमा आगो लगाइयाे – Naya Bikalpa
November 20, 2026, Friday      Epaper

जाजरकोट जीप दुर्घटनाः मृतकको संख्या ७ पुग्यो, चालकको घर र पसलमा आगो लगाइयाे

नयाँ विकल्प
सुर्खेत – बुधबार जाजरकोटको जुनीचाँदे गाउँपालिका-१ मा जीप दुर्घटनामा परि ज्यान गुमाउनेकाे संख्या ७ पुगेकाे छ ।

मृत्यु हुनेमा जुनीचाँदे गाउँपालिका-११ का वडा अध्यक्ष अमरबहादुर शाही, सोही वडाका ६५ वर्षीय कृती बहादुर शाही, जुनीचाँदे गाउँपालिका-५ की मालिका बस्नेत, सोही वडाका २८ वर्षीय कृष्ण बहादुर शाही, ३० वर्षीय खिम बहादुर शाही र छेडागाड नगरपालिका-५ का कर्ण बहादुर शाही रहेको जिल्ला प्रहरी कार्यालय जाजरकोटले जनाएको छ।

दिउँसो २ बजेतिर जाजरकोट सदरमुकाम खलंगादेखि जुनीचाँदे गाउँपालिका जान लागेको भे १ ज ९३५ नम्बरको जीप सडकबाट करिब ५०० मिटर तल खसेको प्रहरीले जनाएको छ।

जुनीचाँदे गाउँपालिका-२ को औलखोलामा जीप दुर्घटना मापदण्डविपरीत बनेको सडक र चालकको लापरबाहीका कारण भएको भन्दै मृतकका आफन्तले शव बुझ्न मानेका छैनन् ।

स्थानीय जनप्रतिनिधिको पहलमा परिवारका आफन्तले शव बुझ्न इकार गरेपछि प्रमुख जिल्ला अधिकारी र जिल्ला प्रहरी कार्यालय जाजरकाेटका प्रमुख घटनास्थल पुगेका छन । उक्त दुर्घटनापछि चालक गोर्ख बहादुर बस्नेत वेपत्ता बनेका छन् ।

घटनास्थलमा चालककाे शव फेला नपरेकाले उनि फरार रहेकाे हुनसक्ने अनुमान गरिएकाे छ । दुर्घटनामा मृत्यु भएका आक्राेसित परिवार र आफन्तले चालक गोर्ख बहादुर बस्नेतको घर र पसलमा आगो लगाइदिएका छन्।

दुर्घटनापछि सयौंको संख्यामा रहेकाे समुहले चालकको जुनीचाँदे-५ मटेलमा रहेको घर र छेडागाड नगरपालिकाको सुवानाउलीमा रहेको पसलमा आगो लगाइदिएको जिल्ला प्रहरी कार्यालय जाजरकाेटले जनाएकाे छ ।

उक्त दुर्घटनामा मृतक ६ जनाकाे शव बुधबार फेला परेकाे थियाे । जुनीचाँदे गाउँपालिका-११ का १७ वर्षीय लालबहादुर बुढाको शव बिहीबार भेटिएसंगै मृतककाे संख्या ७ पुगेकाे प्रहरीले जनाएकाे छ । दुर्घटनामा घाइतेहरूकाे सुर्खेतस्थित देउती अस्पतालमा उपचार भइरहेको छ

सम्बन्धित समाचार

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ आश्विन २२, १४: ३२

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ आश्विन २२, १४: ३२

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...

स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
स्थानीय तह निर्वाचनको मिति तय गर्न दलहरूसँग छलफल गर्दै निर्वाचन आयोग
  • २०७७ आश्विन २२, १४: ३२

काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...