सर्बोच्च अदालत कात्तिक १५ सम्म बन्द, बन्दी प्रत्याक्षीकरणबाहेक सबै सेवा स्थगित

नयाँ विकल्प
प्रकाशित मिती: २०७७ आश्विन २५, ११: ५०

नयाँं विकल्प

काठमाडौं – न्यायाधीश तथा कर्मचारीहरुमा कोरोना संक्रमण देखिएपछि सर्बोच्च अदालत काात्तिक १५ गतेसम्म बन्द हुने भएको छ। सर्बोच्च अदालतले बन्दी प्रत्याक्षीकरण र थुनछेक बाहेकका सबै पेशी असोज ३० सम्मका लागि स्थागित गरेको जनाएको छ।

सर्बोच्चले यस अघि असोज ३० सम्म जारी गरेका सबै साप्तहिक पेशी स्थगित गरेको जनाएको छ। असोज ३० सम्म स्थागित भनिए पनि यो कात्तिकसम्मको अवधी हो । कात्तिक १ गते घटस्थापना भएको र सो दिनदेखि अदालतमा दशैं विदा शुरु हुने भएकोले अब अदालतमा दशै बिदापछि मात्र पेशी चढ्ने भएका छन् ।

अरु सरकारी कार्यालय फुलपातीका दिनदेखि बन्द हुने भएपनि अदालत घटस्थापानादेखि नै बिदा हुने चलन छ। त्यसैगरी अरु सरकारी कार्यलय टीकाको दोस्रो दिनपछि खुल्ने भएपनि अदालत भने कोजाग्रत पूर्णीमापछि मात्र खुुल्दछन् ।

सर्बोच्च अदालतमा जम्मा तीन ईजालास मात्र अाइतबार ताेकिएका छन् । ती सबै बन्दी प्रत्याक्षीकरण र थुनछेक बहसका छन् । दीपककुमार कार्की, सुष्मालता माथेमा, वमकुमार श्रेष्ठ र प्रकाशकुमार ढुंगानाको इजालास मात्र तोकिएको छ।