- अनामनगर काठमाडौँ
- infobikalpa21@gmail.com
काठमाडौं–तीन मन्त्रीले शपथ लिए लगतै अरु मन्त्री थप्न सबैधानिक अड्चन देखिने भएको छ । आईतबार तीन मन्त्री थपेपछि संविधानले दिएको सरकारको कोटा भरिएको छ ।
प्रधानमन्त्रीले अब कसैलाई मन्त्री वा राज्यमन्त्री बनाउनु परेमा अहिले भएकालाई हटाउनुपर्ने छ । नेपालको संविधानले संघीय सरकारको मन्त्रिपरिषद् २५ भन्दा बढी हुने छैन भनि सीमा तोकि दिएको छ । बिहीबार गठित मन्त्रिपरिषद्को संख्या २५ पुगिसकेको छ ।
प्रधानमन्त्री सामु अब यसका लागि दुई विकल्प मात्र छन् । पहिलो सरकारमा भएकालाई हटाउने र अर्को संविधान संशोधन गर्ने ।
नेपालको संविधानको धारा ७६को उपधारा–९मा राष्ट्रपतिले प्रधानमन्त्रीको सिफारिसमा संघीय संसद्का सदस्यमध्येबाट समावेशी सिद्धान्त बमोजिम प्रधानमन्त्री सहित बढीमा पच्चीस जना मन्त्री रहेको मन्त्रिपरिषद् गठन गर्नेछ भन्ने लेखिएको छ ।
सोही दफाको स्पष्टीकरणमा भनिएको छ, यस भागको प्रयोजनका लागि “मन्त्री” भन्नाले उपप्रधानमन्त्री, मन्त्री, राज्य मन्त्री र सहायक मन्त्री सम्झनु पर्छ भन्ने उल्लेख छ ।
प्रधानमन्त्री ओलीले उपप्रधानमन्त्री तथा रक्षामन्त्री ईश्वर पोखरेललाई रक्षामन्त्रीबाट प्रधानमन्त्री कार्यालयको जिम्मा दिए पनि सो स्थानमा अरु ल्याउन समेत कठिन हुने भएको छ । स्रोतका अनुसार स्थायी समिति सदस्य भीम रावललाई प्रधानमन्त्रीले रक्षामन्त्री बनाउने सोच बनाएको बालुवाटार स्रोतले बतायो ।
काठमाडौं : नेपाली कांग्रेसको १५औं महाधिवेशनअन्तर्गत काठमाडौंको नागार्जुन नगर सभापतिमा राजेन्द्र बुढाथोकी विजयी भएका छन्। नागार्जुन नगरको तेस्रो नगर अधिवेशनअन्तर्गत...
काठमाडौं : नेपाली कांग्रेस को १५औँ केन्द्रीय महाधिवेशन अन्तर्गत देशभर पालिका तहका अधिवेशन सुरु भएका छन्। पार्टी केन्द्रीय कार्यसमितिको निर्णयअनुसार...
काठमाडौं : प्रधानमन्त्री वालेन्द्र शाहले शुक्रबारदेखि आइतबारसम्म देशका विभिन्न भागमा भारीदेखि अति भारी वर्षाको सम्भावना रहेको भन्दै बाढी, पहिरो, डुबान...
