उदयपुरमा स्कारपियो दुर्घटनमा ५ को मृत्यु तीन घाइते

नयाँ विकल्प
प्रकाशित मिती: २०७७ कार्तिक २, १२: ०२

नयाँ विकल्प,
काठमाडौं – उदयपुर जिल्लाको कटारी नगरपालिका–१४ स्थित सिद्धिचरण राजमार्गको भदौरेमा स्कारपियो जीप दुर्घटना हुँदा ५ जनाको घटनास्थलमै मृत्यु भएको छ भने तीन जना घाइते भएका छन् ।

मृत्यु हुनेमा ओखलढुंगा मानेभञ्ज्याङ–९ माधवपुरका ४६ बर्षे रामबहादुर सार्की, ४० बर्षे खड्गबहादुर सार्की, ३५ बर्षीया नरिमाया सार्की र २७ बर्षे कर्मे भन्ने कर्णबहादुर सार्की तथा कटारी नगरपालिका ८ शिरिसेका ३० बर्षे महेशबहादुर बिक रहेका छन् ।

भैरहवाबाट ओखलढुंगातर्फ आउँदै गरेको बा २० च ७१७१ नम्बरको स्कारपियो शनिबार राती १ बजे भदौरेस्थित सिद्धिचरण राजमार्गमा आई पुक्दा एक्कासी ब्रेक फेल भई सडकबाट अन्दाजी ९ सय मिटर तल खस्दा सवारीका ५ यात्रुको घटनास्थलमै मृत्यु भएको जिल्ला प्रहरी कार्यालय उदयपुरले जनाएको छ ।

स्कारपियो चालक रुपन्देहीका २८ बर्षे पवन खड्का, स्कारपियोमै सवार मानेभञ्ज्याङकै १८ बर्षीया कल्पना सार्की र ३१ बर्षे कुमारी सार्की घाईते भएपछि चालक खड्का र कल्पनालाई थप उपचारको लागी बिराटनगर तर्फ पठाईएको र कुमारी सार्कीको कटारी अस्पतालमा उपचार भईरहेको प्रहरीले जनाएको छ ।