नेकपा विवाद फेरी बल्झियाे

ओली- प्रचण्डबीच भेटवार्ताः सचिवालय बैठक बोलाउन प्रचण्डको माग

नयाँ विकल्प,

काठमाडाैं – प्रधानमन्त्री एवम् नेकपा अध्यक्ष केपी शर्मा ओली र कार्यकारी अध्यक्ष पुष्पकमल दाहाल प्रचण्डबीच भएकाे भेटवार्तामा प्रचण्डले विवाद समाधानकालागि सचिवालय बैठक बाेलाउनओलीसँग माग गरेका छन् ।

प्रधानमन्त्री एवंम् अध्यक्ष ओलीले भेटका लागि लगातार प्रस्ताव गरेपछि प्रचण्ड शनिबार बालुवाटार पुगेका थिए । कात्तिक ३ गतेदेखि संवादहीनतामा रहेका प्रधानमन्त्री ओली र दाहालबीच शनिबार मात्रै भेट भएको हो।

कर्णाली प्रकरण, मन्त्रिपरिषद पुनर्गठन, भारतीय खुफिया संस्था रअ प्रमुखसँगको भेटघाट र पर्सा घटना लगायतमा असन्तुष्ट बनेका प्रचण्ड बालुवाटार गएका थिएनन्। भेटमा प्रचण्डले सचिवालय बैठक बोलाउने प्रस्ताव गरेका छन् ।

भारतीय खुफिया एजेन्सी ‘रअ’का प्रमुख सामन्तकुमार गोयलको नेपाल भ्रमण, कणर्णाली प्रदेशको विवाद, पर्सा घटना लगायतका विषयमा सचिवालयमा छलफल गर्न प्रस्ताव गरेका हुन् । दुइ शिर्ष नेतावीचकाे विवाद उत्कर्षमा पुगेपछि संवादहिनकाे अवस्था बनेकाे थियाे ।

बिहीबार लुम्बिनी प्रदेशका मुख्यमन्त्री शंकर पोखरेल र शुक्रबार परराष्ट्र मन्त्री प्रदीप ज्ञवाली खुमलटार पुगेका थिए। खुमलटार पुगेका सबैजसो ओलीनिकट नेताहरूले दुई अध्यक्ष मिल्नुको विकल्प नरहेको सुझाव दिएका थिए।