निर्वाचनको मुखमा अमेरिकामा काेराेना संक्रमणकाे दर हालसम्मकै उच्च – Naya Bikalpa
November 20, 2026, Friday      Epaper

निर्वाचनको मुखमा अमेरिकामा काेराेना संक्रमणकाे दर हालसम्मकै उच्च


नयाँ विकल्प,


काठमाडाैं- अमेरिकामा २४ घण्टाको अवधिमा कम्तीमा ९४ हजार मानिस कोरोनाभाइरसबाट सङ्क्रमित भएको अधिकारीहरूले शुक्रवार जानकारी दिएका छन्। राष्ट्रपतीय निर्वाचन हुन केही दिन बाँकी रहँदा त्यहाँका दर्जनाैं राज्यमा सङ्क्रमितको सङ्ख्या निकै बढेको छ।

यसअघि बिहीवार ९१ हजार सङ्क्रमित फेला पर्दा नयाँ कीर्तिमान बनेको थियो। त्यो फेरि भङ्ग भएको छ। जोन्स हप्किन्स् यूनिभर्सिटीको तथ्याङ्कअनुसार अमेरिकामा अहिलेसम्म कुल ९० लाखभन्दा बढी मानिस सङ्क्रमित भएका छन्।

अस्पतालहरूको चेतावनी

डोनाल्ड ट्रम्प र जोन वाइडेनबीच मङ्गलवार चुनावी प्रतिस्पर्धा हुँदैछ। दैनिक मृत्यु हुनेको सङ्ख्या पनि शुक्रवार बढेर ९ सय ३३ पुगेको छ। महामारीको मारमा परेका २१ वटा राज्यमध्ये सन् २०२० को चुनावमा निर्णायक हुने ठानिएका राज्यहरूमा निकै गम्भीर प्रभाव देखिएको छ।

तीव्र प्रतिस्पर्धा हुने राज्य विस्कन्सिनका अस्पतालहरूले शुक्रवार हुने राष्ट्रपति ट्रम्पको चुनावी र्‍यालीले प्रकोपलाई झन् नराम्रो बनाउन सक्ने चेतावनी दिएका छन्।

विभिन्न अस्पतालहरूले संयुक्त विज्ञप्ति निकाल्दै भनेका छन्, “अमेरिकामा निकै तीव्र रूपमा सङ्क्रमण बढेका स्थानहरूमा, विशेषगरी विस्कन्सिनको ग्रीन बेमा ठूला भिडबाट टाढै रहनु अरू बेलाभन्दा अहिले निकै महत्त्वपूर्ण छ।”

ट्रम्पका पछिल्ला र्‍यालीहरूमा सहभागीहरूलाई मास्क दिइनुका साथै उनीहरूको स्क्रीनिङ गरिएको थियो।

‘अमेरिका गलत बाटोमा’

महामारीका कारण त्यस्ता कार्यक्रमहरू खुला स्थानमा आयोजना गरिएका थिए। तर त्यहाँ सामाजिक दूरीकाे नियम पालना भएको छैन र केही समर्थकहरू मास्क पनि लगाउँदैनन्। वाइडेनले पनि चुनावी अभियान गरिरहेका छन्। तर डेमोक्र्याटहरूको र्‍यालीमा समाजिक दूरीको अभ्यास लागु गरेको पाइन्छ।

जोन्स हप्किन्स यूनिभर्सिटीले अमेरिकामा कोभिड-१९ का कारण दुई लाख २९ हजार मानिसले ज्यान गुमाएको जनाएको छ। अमेरिकी स्वास्थ्य विज्ञहरूले महामारीसँगै फ्लूको मौसम पनि आउन लागेकाले सङ्क्रमण र मृत्यु दर बढ्ने चेतावनी दिइरहेका छन्।

ह्वाइट हाउसका कोरोनाभाइरस कार्यदलका सदस्य तथा सङ्क्रामक रोग वीज्ञ डा. एन्थोनी फाउचीले बुधवार सीएनबीसीसँग कुरा गर्दै ‘देश गलत बाटोतर्फ गइरहेको’ बताएका थिए।

उनको भनाइ थियो, “यदि अवस्था बलदिएन, अहिलेकै बाटोमा हिँडियो भने थप सङ्क्रमण, अस्पताल भर्ती र मृत्यु सबै कुराले देशलाइ ठूलो पीडामा धकेलिने बाटोमा जानेछौँ। –विविसीबाट

सम्बन्धित समाचार

प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
प्रेस स्वतन्त्रतामाथि सरकारी हस्तक्षेपविरुद्ध तीन पत्रकार सङ्गठनको संयुक्त विज्ञप्ति, महासङ्घको आन्दोलनमा साथ
  • २०७७ कार्तिक १६, ०९: ४५

काठमाडौँ, ४ मङ्सिर — पछिल्लो समय सरकारका विभिन्न निर्णय र व्यवहारबाट प्रेस तथा अभिव्यक्ति स्वतन्त्रतामाथि गम्भीर प्रहार भइरहेको भन्दै मुख्य...

धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
धादिङमा बोलेरो दुर्घटना : एक महिलाको मृत्यु, ६ गम्भीर घाइतेसहित हेलिकप्टरबाट उद्धार
  • २०७७ कार्तिक १६, ०९: ४५

धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...

सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
सरकारका पाँच निर्णय : चीनको २ मिलियन डलर अनुदानदेखि प्रधानमन्त्रीको भारत भ्रमण स्वीकृतिसम्म
  • २०७७ कार्तिक १६, ०९: ४५

काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...