- अनामनगर काठमाडौँ
- infobikalpa21@gmail.com
नयाँ विकल्प
एजेन्सी – अमेरिकी राष्ट्रपति डोनाल्ड ट्रम्पले मतगणना जारी रहेको राष्ट्रपतीय चुनावका विषयमा आफू सर्वोच्च अदालत जाने बताएका छन्। ह्वाइट हाउसबाट समर्थकहरूलाई सम्बोधन गर्दै ट्रम्पले अहिले पनि केहीले भोट हालिरहेको आरोप लगाउँदै आफू सर्वोच्च अदालत जान लागेको बताएका हुन्।
‘हामी अमेरिकाको सर्वोच्च अदालत जाँदैछौं। सबै प्रकारको मतदान रोकिनु पर्छ भन्ने हामी चाहन्छौं। बिहान ४ बजेपछि उनीहरूले कुनै पनि मतपत्र फेला पारेर जोडून् भन्ने हामी चाहन्नौं,’ उनले भने। उनले त्यसो गर्ने अमेरिकी जनतामाथिको धोका र देशप्रतिको अपमान भएको बताएका छन्।
‘हामीले चुनाव जित्नै लागेका थियौं। खासमा भन्दा हामीले चुनाव जितिसकेका थियौं। त्यसैले अब हाम्रो लक्ष्य इमानदारीलाई जोगाउनु हो,’ उनले भने। ट्रम्पले चुनावमा धाँधली गरेको आरोप लगाए पनि अहिलेसम्म त्यस्तो कुनै घटना सार्वजनिक भएको छैन।
चुनावको अन्तिम मत परिणाम पनि आउन अझै बाँकी छ। ट्रम्प र डेमोक्र्याटिक उम्मेद्वारबीच अहिले पनि कडा टक्कर छ भने पेन्सिलभेनियालगायत केही ठूला राज्यमा मतगणना भइरहेको छ। यसअघि समर्थकहरूलाई सम्बोधन गर्दै बाइडेनले पनि आफू चुनाव जित्ने बाटोमा रहेको दाबी गरेको बताएका थिए।
दुबै उम्मेदवारले आफूले जित्ने दाबी गरे पनि लाखौं मतदाताले हुलाकबाट मत हालेका अन्तिम मत परिणाम आउन अझै केही समय लाग्न सक्छ।
काठमाडौं : नेपाली कांग्रेसको १५औं महाधिवेशनअन्तर्गत स्थानीय तहको सांगठनिक संरचना निर्माणका लागि आज देशभर पालिका तहको अधिवेशन हुँदैछ। यसैक्रममा काठमाडौंको...
काठमाडौं । चीनले नेपालको मौसमसम्बन्धी पूर्व–सूचना तथा विपद् प्रतिकार्य क्षमता अभिवृद्धि गर्ने उद्देश्यले कृत्रिम बुद्धिमत्ता (एआई)मा आधारित मौसम पूर्व–सूचना प्रणाली...
काठमाडौँ । परराष्ट्रमन्त्री शिशिर खनाल र अमेरिकी राजनीतिक मामिलासम्बन्धी उपविदेशमन्त्री एलिसन हुकरबीच द्विपक्षीय भेटवार्ता भएको छ । भेटका क्रममा नेपाल–अमेरिका...
