कालो कपडा लगाएका विद्यार्थीहरु जब सकडमै सुत्न थाले ! – Naya Bikalpa
November 13, 2026, Friday      Epaper

कालो कपडा लगाएका विद्यार्थीहरु जब सकडमै सुत्न थाले !


नयाँ विकल्प,
काठमाण्डौं । – सोमबार दिउँसो माइतिघर मण्डला छेउकै सडकमा अनौठो दृष्य देखियो । एक हुल विद्यार्थी कालो कपडामा बेरेर एकपछि अर्को गर्दै सडकमै सुत्न थाले । उनीहरुले मुखमा कालो मास्क, निधारमा कालो फिता र त्यसमा नारा लेखेर प्रदर्शनमा उत्रिए ।

प्रदर्शनमा उत्रिएका विद्यार्थीको शरिरमा प्रतिनिधिसभा विघटनको असंवैधानिक कदमको विरोधस्वरुप ‘प्रतिगमन’ लेखिएका कालो कपडा थियो ।

प्रतिनिधिसभा विघटनको विरोधमा नेपाली कांँग्रेस निकटको नेपाल विद्यार्थी संघले बिहीबार काठमाडौंको माइतीघरमा विरोध प्रदर्शन गरेको दृष्य थियो, त्यो ।

युवा विद्यार्थीले ‘भ्रस्टाचारी केपी ओली – मुर्दावाद, खोक्रो राष्ट्रवाद – बन्द गर, असंवैधानिक कदम –खारेज गर, विद्यार्थीको एउटै स्वर– सरकार भित्र चोरै–चोर’ जस्ता नारा लेखिएका ‘प्ले कार्ड’ प्रदर्शन गरे ।

उक्त बिरोध प्रदर्शनका क्रममा नेबिसंघ महामन्त्री बलदेव तिमल्सिनाले केपी ओलीले भ्रष्टाचार लुकाउन र खुलेआम भ्रष्टाचार गर्न संविधान विपरित प्रतिनिधिसभा विघटन गरेको यस्तो प्रतिगामी कदमको विरोधका कार्यक्रमलाई निरन्तरता दिने जनाए ।

नेविसंघ शंकरदेव क्याम्पसद्वारा आयोजीत प्रतिकात्मक बिरोध प्रदर्शन कार्यक्रमको संयोजन नेता दिपक ओझाले गरेका थिए ।

बिभिन्न रचनात्मक दृष्य प्रतिकात्मक नारासहित कालो कपडाले शरीर बेरेर संघका नेताहरु दिपक ओझा, सुदिप बनाडी, दिल सैनाई,सुनिल पराजुली,आदित्य काफ्ले लगायतका युवाहरु सडकमा सुतेका थिए ।

नेविसंघका नेता मिलन खतिवडाले सन्चालन गरेको बिरोध सभामा संघका महामन्त्री युबराज पाण्डे, पूर्वकेन्द्रीय सदस्य सुशील भट्ट, रत्नहरी ढुंगेल, बिपिन अधिकारी लगाएतले असंबैधानिक कदमका बिरुद्ध शसक्त प्रतिबाद गर्ने बताए ।

नेबिसंघले मंगलबार केन्द्रीय परिपत्र बमोजिम देशभर दौड जुलुस आयोजना गर्न लागेको महामन्त्री तिमल्सिनाले जनाए ।

सम्बन्धित समाचार

सर्वोच्च अदालतमा ४ न्यायाधीश नियुक्त
सर्वोच्च अदालतमा ४ न्यायाधीश नियुक्त
  • २०७७ माघ १९, १६: ५५

काठमाडौं : सर्वोच्च अदालतमा ४ जना न्यायाधीश नियुक्त भएका छन् । न्यायपरिषद्को सिफारिसमा राष्ट्रपति रामचन्द्र पौडेलले शुक्रबार न्यायाधीशहरू नियुक्त गरेका...

‘नेपाली डायस्पोराका समस्या समाधान सरकारको प्राथमिकतामा छन्’
‘नेपाली डायस्पोराका समस्या समाधान सरकारको प्राथमिकतामा छन्’
  • २०७७ माघ १९, १६: ५५

काठमाडौं : परराष्ट्रमन्त्री शिशिर खनालले तुर्किएलगायत विदेशमा बसोबास तथा कार्यरत नेपाली समुदायका समस्या र सरोकारलाई सम्बोधन गर्नु सरकारको प्राथमिकतामा रहेको...

भीमफेदी दुर्घटना : मृतकका परिवारलाई ५० हजार दिने चक्रघट्टाको निर्णय, आज शोक बिदा
भीमफेदी दुर्घटना : मृतकका परिवारलाई ५० हजार दिने चक्रघट्टाको निर्णय, आज शोक बिदा
  • २०७७ माघ १९, १६: ५५

सर्लाही : मकवानपुरको भीमफेदीमा भएको माइक्रोबस दुर्घटनामा आफ्ना १३ जनाको मृत्यु भएपछि सर्लाहीको चक्रघट्टा गाउँपालिकाले मृतकका परिवारलाई आर्थिक सहयोग गर्ने...