

नयाँ बिकल्प,
काठमाडौं –
नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डलाई सर्वोच्च अदालतले सात दिनभित्र उपस्थित हुन आदेश दिएको छ ।
अदालतको अवहेलनाको मुद्धामा लिखित जवाफसहित सात दिन भित्र आफै उपस्थित हुन सर्वोच्चले बुधबार आदेश दिएको हो । सर्वोच्च अदालतका न्यायाधीश मनोजकुमार शर्माको एकल इजलासले अध्यक्ष दाहाललाई अदालतमा उपस्थित हुन आदेश दिएका हुन् ।
अदालत र न्यायाधीशहरूलाई लक्षित गरी सार्वजनिक रुपमा पटक –पटक धम्कीपूर्ण अभिव्यक्ति दिएको भन्दै अधिवक्ता समीर हायूले सर्वोच्च अदालतमा अध्यक्ष दाहालविरुद्ध मुद्धा दर्ता गराएका थिए ।
प्रतिनिधिसभा विघटनसम्बन्धी सर्वाच्च अदालतको संवैधानिक इजलासमा विचाराधीन मुद्दालाई प्रचण्डले प्रभावित पार्न खोजेको, स्वतन्त्र, निष्पक्ष र सक्षम न्यायपालिकाको मान्यता र संवैधानिक एवम् कानुनी व्यवस्था प्रतिकूल भएको दावी गर्दै गत साता सर्वोच्चमा रिट परेको थियो ।
सर्वोच्चले प्रधानमन्त्री केपी शर्मा ओली, पूर्वसभामुख दमननाथ ढुंगाना र पूर्व प्रधानन्यायाधीशहरू मीनबहादुर रायमाझी, अनुपराज शर्मा, कल्याण श्रेष्ठ र सुशीला कार्कीविरुद्ध पनि अदालतको अवहेलना मुद्दामा सात दिन भित्र जवाफ पेश गर्न आदेश दिएको थियो ।
अदालतको अवहेलना सम्वन्धी ति रिट पनि न्यायाधीश शर्माकै इजलामा परेको थियो।
काठमाडौं : सरकार र अनशनरत डा. गोविन्द केसीबीच ६ बुँदे सहमति भएको छ । सहमतिसँगै शनिबार राति डा. केसीले आफ्नो...
काठमाडौं : नेपाल पत्रकार महासंघले प्रेस तथा अभिव्यक्ति स्वतन्त्रताको संरक्षण र आफ्ना माग पूरा गराउन छठ पर्वपछि चरणबद्ध आन्दोलन गर्ने...
काठमाडौं : नेपाली कांग्रेसले भोटेकोशी–त्रिशूली बाढीपहिरोबाट प्रभावित रसुवा, धादिङ र नुवाकोटका नागरिकको पुनर्स्थापना तथा पुनर्निर्माणका लागि अभियान सञ्चालन गर्ने भएको...