आफ्नै राग अलाप्दै आत्मरतीमा रमाउने शासकहरू रहेसम्म आम नागरिकलाई जीविका चलाउन धौ धौ

पूर्वराजा ज्ञानेन्द्रले भने ‘जनमतको अनादर गरी कुर्सीका लागि निर्लज्ज हुनु सह्य हुन्न’

नयाँ बिकल्प,
काठमाडौं – पूर्वराजा ज्ञानेन्द्र शाहले जनमतको अनादर गरी कुर्सीका लागि निर्लज्ज हुनु कदापि सह्‍य नहुने भन्दै सरकारप्रति असन्तुुष्टि जनाएका छन् ।

पूर्वराजा ज्ञानेन्द्रले विहीबार सामाजिक सञ्चालमा ट्विटमा ट्विट गर्दै नेकपाको सत्तारुढ समूह र आज आमहड्ताल गर्ने प्रचण्ड–माधव समूहप्रति लक्षित गर्दै सत्ताको खेल बन्द र हडताल गरी जनतालाई दुख दिएर खेल्नुको सट्टा जनताको मन जितेर खेल्न आग्रह गरेका छन् ।

पूर्वराजा ज्ञानेन्द्रले बिहीबार आव्हान गरिएको आम हड्तालप्रति असन्तुष्टि जनाउँदै जनताको दैनिकीमा ध्यान नदिई आफ्नै राग अलाप्दै आत्मरतीमा रमाउने शासकहरू रहेसम्म आम नागरिकलाई आफ्नो जीविका चलाउन पनि धौ धौ पर्न जाने बताएका छन् ।

पूर्वराजा ज्ञानेन्द्रले लामो समय झापा बसाईपछि आज सामाजिक सञ्जालमार्फत सत्तारुढ नेकपा र आन्दोलनरत नेकपालाई यस्तो चेतावनी दिनुले मुलुकको राजनीतिक अवस्थालाई संवेदनशील द्वन्द्वतर्फ उन्मुख भएको संकेत गरेका छन् ।

हेर्नुस् पूर्वराजा ज्ञानेन्द्रले पोष्ट गरेको ट्विट