
नयाँ बिकल्प,
काठमाडौ – देशभर फैलिएको दुषित हावाका कारण विद्यार्थीको स्वास्थ्यमा गम्भीर समस्या आउन सक्ने भन्दै सरकारले चार दिनसम्मको लागि देशभरका सबै शिक्षण संस्था बन्द गर्ने घोषणा गरेका छ ।
शिक्षा, विज्ञान तथा प्रविधि मन्त्रालयका प्रवक्ता दीपक शर्माले भोली मंगलबारदेखि शुक्रबारसम्म चार दिनका लागि सम्पूर्ण शिक्षण संस्था बन्द गर्ने निर्णय गरिएको जानकारी दिए ।
मन्त्री कृष्णगोपाल श्रेष्ठको अध्यक्षतामा सोमबार मन्त्रालयमा बसेको आकस्मिक बैठकले सम्पूर्ण शिक्षण संस्था बन्द गर्ने निर्णय गरेको हो । मन्त्री श्रेष्ठले वायुमण्डलमा देखिएको मौसम प्रतिकूलताका कारण शिक्षण संस्था बन्द गनु दबाब दिएका थिए ।
शिक्षा सचिव रामप्रसाद थपलिया, विज्ञान सचिव डा. सञ्जय शर्मा, मन्त्रालयका प्रवक्ता एवं सहसचिव दीपक शर्मा, सहसचिव डा.हरी लम्साल, शिक्षा, तथा मानव श्रोत विकास केन्द्रका महानिर्देशक वैकुण्ठ अर्याललगायतको उपस्थितिले यस्तो निर्णय गरेको हो ।
।
बैठक बस्नुअघि मन्त्री श्रेष्ठले प्रधानमन्त्री केपी शर्मा ओलीसँग परामर्श गरेका थिए । अब शिक्षण संस्थाहरु आइतबार मात्रै खुल्ने भएका छन् । विगत तीन दिनदेखि काठमाडौं उपत्यकासहित देशैभरका शहरमा वायु प्रदूषण अत्यधिक बढेको छ ।
काठमाडौं । प्रधानमन्त्री वालेन्द्र शाह र नेपालका लागि नवनियुक्त भारतीय राजदूत सुधाकर दलेलाबीच सिंहदरबारस्थित प्रधानमन्त्री तथा मन्त्रिपरिषद्को कार्यालयमा बुधबार शिष्टाचार...
काठमाडौं । पूर्वशिक्षामन्त्री सुमना श्रेष्ठले आगामी स्थानीय तह निर्वाचनमा काठमाडौं महानगरपालिकाको मेयर पदमा उम्मेदवारी दिने घोषणा गरेकी छन् । श्रेष्ठले...
काठमाडौं । त्रिभुवन अन्तर्राष्ट्रिय विमानस्थलबाट प्रहरीले १ किलो ८०३ ग्राम सुनजस्तो देखिने पदार्थसहित एक चिनियाँ नागरिकलाई पक्राउ गरेको छ ।...