कोरोनाबाट जनता मर्दै, खोप र स्वास्थ्य सामग्री खरिदमा कमिसन र अकुत आर्जन गर्दै सरकारः नेविसंघ – Naya Bikalpa
November 9, 2026, Monday      Epaper

कोरोनाबाट जनता मर्दै, खोप र स्वास्थ्य सामग्री खरिदमा कमिसन र अकुत आर्जन गर्दै सरकारः नेविसंघ


नयाँ बिकल्प,
काठमाडौं केपाल विद्यार्थी संघले स्वास्थ्य जस्तो अत्यन्त संवेदनशील विषय, स्वास्थ्य सामाग्री खरिद र खोपमा समेत सरकार आफैं ब्यापार र कमिशनको चक्करमा फसेर अकुत आर्जनमा लिप्त हुनु अत्यन्तै लज्जाजनक र खेदजनक भएको जनाएको छ ।

कमिशन नमिलेकै कारण प्रधानमन्त्री केपी शर्मा ओली निकट व्यवसायीहरु र स्वास्थ्य मन्त्री समेतको हर्कत बाहिरिएपछि नेपाल विद्यार्थी संघका महामन्त्री बलदेव तिमल्सिनाले शुक्रबार एक बिज्ञप्ती जारी गर्दै प्रधानमन्त्री निकट व्यापारीहरु बिजय दुगड, सुरज बैद्य, रिता बैद्य लगाएतले कमिशन नमिलेकै कारण कोरोना भ्याक्सिन रोकेको खबरले सबैलाई लज्जित बनाएको बताएका छन् ।

महामन्त्री तिमल्सिनाले पहिलो चरणको महामारीका समयमा समेत वर्तमान सरकारले ठूलो आर्थिक चलखेल गरी प्रधानमन्त्री ओली निकट ओम्नी समूहलाई स्वास्थ्य सामाग्रीको खरिदको जिम्मा दिईएको कुरा स्मरण गराउँदै अहिले फेरि सोही प्रकृतिको हर्कत दोहोरिनु अत्यन्तै अत्यन्तै निकृष्ट कार्य भएको बताएका छन् ।

वर्तमान सरकरको स्वास्थ्य सामाग्री खरिदमा भएको करोडौं रुपैयाँको चलखेल अक्षम्य रहेको भन्दै उनले अत्यावश्यक खोपमा पनि सरकार ब्यापारमा मस्त हुनु र आफ्ना माफिया एजेन्ट मार्फत कमिसन र ब्यापारमा निर्लज्ज ढंगले संलग्न हुनुले सरकार जनताको स्वास्थ्यमा कति संबेदनसिल छ अझ प्रष्ट भएको बताएका छन् ।

सरकारी निर्णय बमोजिम अब सेरमकै दुई डोज खोपका लागि नेपाली नागरिकले व्यापारिक कम्पनीलाई ३४ सय १८ रुपैयाँ भुक्तान गर्नुपर्नेछ । त्यस्तै, भारत बायोटेकको कोभ्याक्सिन दुई डोज लगाउन ५,२०० रुपैयाँ मूल्य तोकिएको छ।

सरकारले भारतको सेरम इन्स्टिच्युट अफ लाइफ साइन्सबाट प्रतिडोज चार डलर अर्थात चार सय ७२ रुपैयाँमा खोप ल्याएको थियो । तर, अब भने जनताबाट प्रतिडोज १७ सय नौ रुपैयाँ शुल्क उठाउन हुकमले स्वास्थ्य सेवा विभागबाट अनुमति पाएको छ ।

कोभ्याक्सिनको मूल्य एकै डोजको २६ सय छ भने दुई डोज लगाउँदा ५२ सय रुपैयाँ पर्नेछ । स्पुतनिक ‘भी’को मूल्य दुई डोजको मूल्य ३८ सय ८५ रुपैयाँ कायम गरिएको छ । भेरोसेलले प्रतिडोज मूल्य १५।२ डलर अर्थात् १७ सय ९३ रुपैयाँ प्रस्ताव भएको थियो ।

दुई डोजको ३५ सय ८६ रुपैयाँमा आउने भेरोसेलको प्रस्ताव स्थगित गरेर सरकारले ५२ सय रुपैयाँको कोभ्याक्सिनलाई अनुमति दिनुले पनि सरकारी सम्लग्नता र संरक्षण प्रमाणित भएको संघका महामन्त्री तिमल्सिनाले बताएका छन ।

प्रधानमन्त्रीकै छत्रछायाँमा रहेका ब्यवसायीहरुले जनस्वास्थ्य माथिको यति ठूलो अपराध र बेईमानी केबल प्रधानमन्त्री कै आड र भरोसामा मात्र संभव भएको भन्दै संघका महामन्त्री बलदेव तिमल्सिना ले स्वास्थ्य सामाग्री खरिद र खोपमामा भएको भ्रष्टाचारको नैतिक जिम्मेवारी प्रधानमन्त्री ओलीले लिनु पर्ने बताए ।

सम्बन्धित समाचार

संस्कृतिमाथि हमला भइरहेको छ, नेपालीहरू सजग हुनुपर्छ : केपी ओली
संस्कृतिमाथि हमला भइरहेको छ, नेपालीहरू सजग हुनुपर्छ : केपी ओली
  • २०७८ बैशाख २४, १३: ०९

काठमाडौं : नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले नेपाली संस्कृति कमजोर हुँदै गएको भन्दै यसप्रति सबै नेपाली सजग...

भोटेकोशीको कटानले रसुवाको हाकुबेँसी गाउँ जोखिममा, बस्ती सार्न माग
भोटेकोशीको कटानले रसुवाको हाकुबेँसी गाउँ जोखिममा, बस्ती सार्न माग
  • २०७८ बैशाख २४, १३: ०९

रसुवा : भोटेकोशी नदीमा भीषण बाढी आएको साढे दुई महिना बितिसक्दा पनि कटान र पहिरोको जोखिम नटरेपछि रसुवाको आमाछोदिङमो गाउँपालिका-१...

पटका पट्काउने क्रममा छर्रा लागेर आठ वर्षीय बालकको मृत्यु
पटका पट्काउने क्रममा छर्रा लागेर आठ वर्षीय बालकको मृत्यु
  • २०७८ बैशाख २४, १३: ०९

काठमाडौं । पर्साको पकहामैनपुर गाउँपालिका–२ मा पटका पट्काउने क्रममा छर्रा लागेर एक बालकको मृत्यु भएको छ । मृत्यु हुनेमा स्थानीय...