
नयाँ बिकल्प,
काठमाडौं । नेपाली कांग्रेसको महाधिवेशन आगामी भदौ १६ देखि १९ गतेसम्म १४ औं महाधिवेशन काठमाडौंमा गर्ने घोषणा गरे पनि प्रदेश नम्वर २ का सप्तरी, धनुषा, सर्लाही, बाँके, सिरहा, बारा र पर्षामा स्थानीय तहको सामायोजन प्रक्रिया नै टुंगिएको छ।
एक वर्षदेखि पार्टीको केन्द्रीय महाधिवेशनदेखि अन्य तहको अधिवेशनको मिति ६ पटकभन्दा बढी समयदेखि सर्दै आएको छ। यो पटक चैत मसान्तसमम अन्तिम समय सीमा दिए पनि यी सात वटा जिल्लाका कारण पार्टीको महाधिवेशनलाई नै प्रभावित गर्न खोजेको छ।
कांग्रेस केन्द्रीय कार्यसमिति समक्ष केन्द्रीय निर्वाचन समितिले गत चैत १३ गते प्रस्तुत प्रतिवेदन अनुसार सप्तरी, धनुषा, सर्लाही, बाँके, सिरहा, बारा तथा पर्सा जिल्ला समेतको स्थानीय तह संगठन पुर्नसंरचनाको समायोजन गरिएकोमा, समायोजनको निर्णय उपर उजुरी र गुनासाहरु आइरहेका छन्।
निर्वाचन समितिमा समायोजनप्रति चित्त नबुझी उजुरी तथा गुनासाहरुको निर्णय गरिसक्दा समेत निर्देशिका बमोजिम भएन भनी पटक–पटक समिति समक्ष उजुरी तथा गुनासाहरु आएको थियो । त्यस्ता गुनासाहरु पुन निर्वाचन समितिमा आएपछि पार्टी केन्द्रीय कार्यसमितिमा सो गुनासो पठाइएको थियो।
तर ति जिल्ला समेतको पार्टी अन्तरिम संरचना समायोजन सम्बन्धी उजुरी र गुनासाहरुको पार्टी स्थानीय तह संगठन पुनर्संरचना अन्तरिम निर्देशिका २०७६ बमोजिम नभएको सन्दर्भमा सोही निर्देशिका बमोजिम हुने गरी २०७८ असार १० गतेभित्र केन्द्रीय निर्वाचन समितिले नै टुंगो लगाई पार्टी समक्ष पेश हुने भएको छ।
नेपाली कांग्रेसको १३ औं महाधिवेशनपछि सभापति देउवाले नेतृत्व गरेयता नेपाली कांग्रेसमा नेपाल लोकतान्त्रिक फोरम, राष्ट्रिय प्रजातन्त्र पार्टीको सुनिल थापासमूह, तत्कालिन संघीय समाजबादी फोरम, राष्ट्रिय जनता पार्टी र अन्य क्षेत्रीय दलबाट नेपाली कांग्रेसमा पुरै पार्टी र केही संरचना काग्रेसमा बिलय भएका थिए।
यस्तै पार्टीले नेपाली जनसम्पर्क समिति इजरायलबाट पार्टीको विधान र नियमावली अनुसार क्रियाशील सदस्यताको नामावली, सदस्यता शुल्क र कार्यसमितिको निर्णय लगायतका आवश्यक कागजात सहित पेश हुन आएकोले क्रियाशील सदस्यता स्वीकृत गर्ने निर्णय गरिसकेको छ।
नेपाली कांग्रेसले पार्टीले चौधौं महाधिवेशन प्रयोजनको लागि कार्यतालिका पुनसंरचना गर्दै प्रकाशित गरेको छ। जसअनुसार यही असार २० गतेसम्म क्रियाशिल सदस्यतालाई फाइनल गर्ने, क्रियाशिल सदस्यताको अन्तिम नामावली तयार गरी असार २४ गते पार्टी सभापतिसमक्ष पेश गरेर अनुमोदन गराई निर्वाचन समितिलाई बुझाउने छ।
पार्टीको वडाअधिवेशन साउन ६ गते, स्थानीय तहको गाउँ वा नगर अधिवेशन साउन ११ गते, प्रदशेसभा निर्वाचन क्षेत्रिय अधिवेशन साउन १६ गते र संघीय निर्वाचन क्षेत्रिय समितिको अधिवशेन साउन २० गते र जिल्ला अधिवशेन गर्ने मिति साउन २४ गते तोकिएको छ।
सात वटै प्रदेशमा पहिलो पटक भदौ १ देखि २ गतेसम्म प्रदेश अधिवेशन हुँदैछ ।
काठमाडौं : प्रधानमन्त्री वालेन्द्र शाह भारत भ्रमणमा गएपछि कार्यवाहक प्रधानमन्त्रीको जिम्मेवारी ऊर्जा, जलस्रोत तथा सिँचाइमन्त्री विराजभक्त श्रेष्ठले सम्हाल्ने भएका छन् ।...
काठमाडौं : नेपाली कांग्रेसका सभापति गगनकुमार थापाले बाढीपहिरोबाट विस्थापित भएका नागरिकको पुनर्स्थापना प्रक्रियामा ढिलाइ नगर्न सरकारलाई आग्रह गरेका छन् ।...
काठमाडौं : भारतको उत्तरपूर्वी राज्य मणिपुरमा विषाक्त मदिरा सेवनका कारण मृत्यु हुनेको संख्या १६ पुगेको छ । घटनामा बिरामी परेका...