
नयाँ विकल्प,
काठमाडौ – नेपाली कांग्रेसका वरिष्ठ नेता रामचन्द्र पौडेलले पार्टीका क्रियाशील सदस्यहरूको नामावली तत्काल सार्वजनिक गर्न पार्टी सभापति शेरबहादुर देउवासँग माग गरेका छन् ।
पार्टी केन्द्रीय कार्यालय सानेपामा क्रियाशील सदस्यहरूको नामावली सार्वजनिक गर्नुपर्ने मुख्य माग राख्दै पार्टीका जिल्ला सभापतिहरूले दिएको धर्ना कार्यक्रममा ऐक्यबद्धता जनाउन बुधवार पार्टी केन्द्रीय कार्यालयपुगेका वरिष्ठ नेता पौडेलले पार्टीका क्रियाशील सदस्यहरूको नामावली तत्काल सार्वजनिक गर्न सभापति देउवालाई दवाब दिएका हुन् ।
पार्टीको वैधानिक सङ्कट आउन नदिन आउँदो भदौ १८ गते वडा अधिवेशन सम्पन्न हुने गरी युद्धस्तरमा काम अगाडि बढाउन पनि पार्टी नेतृत्व गम्भीर हुनुपर्नेमा जोड दिए ।
महाधिवेशन समयमै सम्पन्न गर्न आफूले प्रयास गरिरहे पनि पार्टी नेतृत्वले सुनुवाइ नगरेको आरोप समेत लगाए ।
पार्टी नेतृत्व इमानदार भएको खण्डमा अझै पनि तोकिएकै समयमा १४ औं महाधिवेशन सम्पन्न गर्न जिकीर गरे ।
संवैधानिक सङ्कटबाट नेपाली कांग्रेसलाई बचाउनुपर्ने अहिले आवश्यक्ता रहेको उनले बताए ।
०७७ साल मङ्सिर २८ गतेदेखि सुरु भएको महासमिति बैठकदेखि नै कार्यतालिका बनाएर महाधिवेशन गर्न नमान्दा अहिले सङ्कट आएको नेता पौडेलको ठहर छ ।
धादिङ । उत्तरी धादिङको रुबीभ्याली गाउँपालिका–४, बोराङको कलदाङमा बोलेरो दुर्घटना हुँदा एक महिलाको मृत्यु भएको छ भने ६ जना गम्भीर...
काठमाडौं । सरकारले भोटेकोशी बाढी प्रभावित क्षेत्रको पुनर्निर्माण तथा राहतका लागि चीन सरकारबाट प्राप्त हुने २ मिलियन अमेरिकी डलर अनुदान...
काठमाडौँ । निर्वाचन आयोगले आगामी स्थानीय तह निर्वाचनको मिति निर्धारण गर्ने विषयमा संघीय संसद्मा प्रतिनिधित्व गर्ने राजनीतिक दलहरूसँग छलफल गर्ने...