अफगानिस्तानको काबुल विमानस्थलबाहिर विस्फोट,कम्तिमा १३ जनाको मृत्यु

एजेन्सी,

काठमाडौं – अफगानिस्तानको राजधानी काबुलस्थित काबुल अन्तर्राष्ट्रिय विमानस्थल बाहिर दुई शक्तिशाली बम विष्फोट भएको छ ।

विष्फोटमा कम्तिमा १३ जना मारिएका छन् ।

काबुल विमानस्थलबाहिर ठूलो विस्फोट भएको अमेरिकी सेनाले जनाएको छ ।

अन्तर्राष्ट्रिय सञ्चारमाध्यमहरुका अनुसार विमानस्थलको मुख्य द्वारमा पहिलो आत्घाति विष्फोट भएको थियो ।

दोस्रो विष्फोट बारोन होटल नजिक भएको थियो ।

अमेरिकी नेतृत्वको पश्चिमी सेनाले विमानस्थल परिसरमा पुगेका हजारौँ मानिसको दैनिक उद्धार गरिरहेका समय विमानस्थल छोड्न तालिबान समूहले चेतावनी दिएको बताइएको छ ।

विमानस्थलमा एसियाली देशका नागरिकहरू पनि उद्धारको पर्खाइमा रहेका हुन सक्ने अनुमान गरिएको छ ।

आत्मघाती बम आक्रमणकारीहरूले विमानस्थलमा आक्रमण गर्ने धम्की दिँदै आएको अमेरिकी र सम्बद्ध अधिकारीहरूले गोप्य सूचना पाएको बताएका छन् ।