काँग्रेसको १४ औं महाधिवेशन औपचारिक रुपमा उद्घाटन, प्रचण्ड र ओली एउटै मञ्चमा

नयाँ विकल्प संवाददाता
प्रकाशित मिती: २०७८ मंसिर २४, १५: ०६

काठमाडौं । नेपाली काँग्रेसको १४ औं महाधिवेशन औपचारिक रुपमा उद्घाटन पार्टी सभापति एवम् प्रधानमन्त्री शेरबहादुर देउवाले पानसमा बत्ती बालेर काठमाडौं भृकुटीमण्डपमा गरेका छन् । त्यस्तै देउवाले काँग्रेसको एपको पनि उद्धाटन गरेका छन् ।

उद्घाटन सत्रमा पार्टीका शिर्ष नेता तथा कार्यकर्ताहरुको बाक्लो उपस्थिति रहेको छ । कार्यक्रममा नेकपा माओवादी केन्द्रका अध्यक्ष ‘पचण्ड’, नेकपा एमाले अध्यक्ष केपी शर्मा ओली, नेकपा एकीकृत समाजवादीका अध्यक्ष माधव कुमार नेपाल, राप्रपाका अध्यक्ष राजेन्द्र लिङ्देनलगाएतका नेताहरुको उपस्थिति रहेको छ ।

नेकपा एमाले अध्यक्ष ओली र माओवादी केन्द्रका अध्यक्ष प्रचण्डले झण्डै १ वर्षपछि एउटै मञ्चमा देखिएका हुन् भने नेकपा एकिकृत समाजवादीका अध्यक्ष माधव नेपालसंग छ महिनापछि गरेका हुन् ।

काँग्रेस निर्वाचन कार्य तालिकाका अनुसार नेतृत्व चयनका लागि निर्वाचन प्रक्रिया शनिबारदेखि सुरु हुने र मतदान आइतबार हुनेछ ।

काँग्रेस संस्थापनइतरले सभापतिमा उम्मेदवारको टुंगो लगाइनसकेको अवस्थामा संस्थापन पक्षले सभापतिमा हालसम्म शेरबहादुर देउवा र विमलेन्द्र निधिले उम्मेदवारी घोषणा गरेका छन् ।