अब संसदकाे गतिराेध अन्त्य हुन्छः कानुनमन्त्री बडु

नयाँ विकल्प संवाददाता
प्रकाशित मिती: २०७८ पुष ७, १६: ४७

Interview with Nepali Congress lawmaker Dilendra Prasad Badu, in Kathmandu, on Friday , February 22, 2019. Photo: Naresh Krishna Shrestha/THT

काठमाडौं । प्रमुख प्रतिपक्ष दल नेकपा(एमाले)ले संसदमा उठाएको विषयमा सम्वद्ध पक्षको ध्यानाकर्षण भइसकेकोले अब गतिरोध हुने विश्वास व्यक्त गरेका छन् । कानुन, न्याय तथा संसदीय मामिला मन्त्री दिलेन्द्रप्रसाद बडुले बुधबार संसद बैठकपछि सञ्चारकर्मीलाई संक्षिप्त प्रतिक्रिया दिँदै मन्त्री बडुले धेरै दिन संसदमा गतिरोध नहुने विश्वास व्यक्त गरेका हुन् ।

मन्त्री बडुले सर्वोच्च अदालतमा विचाराधीन मुद्दा संसदमा छलफलको विषय बनाउन नहुन भन्दै एमालेको ध्यानाकर्षण गराए । कुनै न्यायिक निकायमा, अदालतमा विचाराधीन रहेको मुद्दालाई छलफलमा ल्याउन गलत भएको भन्दै उहाँहरूको ध्यानाकर्षण भएको छ भन्ने विश्वास लागेको बताए । उनले भने, ‘संसदलाई फलदायी बनाउने र उपयोगी बनाउने, संसद र संसदका मार्फत् आफ्ना विषयहरू जनतासमक्ष राख्ने अवसर उहाँहरूले दिनुहुन्छ हाम्रो त्यो विश्वास छ । यसको अपेक्षा, यसको प्रतीक्षा हामी गरिरहेका छौँ ।’

गत साउन १ गते एमालेका तत्कालीन नेता माधवकुमार नेपालसहित १४ सांसदलाई कारबाहीका लागि सिफारिश गरिएकामा त्यसको सुनुवाइ नगरेर पार्टी विभाजन गराउने कार्यमा सभामुखबाट सहयोग गरिएको आरोप एमालेले लगाउँदै आएको छ ।